Halyq sanaǵyna Almaty qalasynyń 2 millionnan astam turǵyny qatysty, dep habarlaidy QazAqparat.
Ulttyq statistika biýrosynyń baspasóz qyzmeti usynǵan derekke sáikes, Almaty turǵyndarynyń sany búginde 2 005 496 adamdy quraidy.
«Búgingi tańda Almaty qalasynyń jalpy turǵynynyń 2 mln 86 myń 769-y sanaqtan ótti. Biylǵy jyldyń 24 qazanyndaǵy jaǵdai boiynsha, onlain sanaqtan 626 605 adam ótti, 25 qazandaǵy jaǵdai boiynsha, 1 462 935 almatylyq oflain rejimde ótti», - dep túsindirdi vedomstvodan.
Almatynyń halyq eń tyǵyz qonystanǵan aýdany – Bostandyq aýdany, onda 361 609 adam turady. Turǵyndardyń eń az sany jańa Naýryzbai aýdanynda turady – 159 115 adam.
Aita keteiik, Qazaqstanda halyq sanaǵynan onlain ótý merzimi uzartyldy.
Sanaq saýaldaryna arnaiy sanaq.gov.kz saity, E-Gov portaly arqyly tirkelip nemese Aitu mobildik qosymshasy arqyly jaýap berýge bolady. Onlain ótý múmkindigi halyq sanaǵy aiaqtalǵanǵa deiin qoljetimdi bolmaq.
1 qazannan bastap interviýerler úi-úidi aralaýdy bastady. Onlain ótken respondentter telefonǵa kelgen SMS-habarlamany interviýerlerge kórsetýi tiis. Olar saýalnamadan qaita ótpeidi.
