الماتىدا ەلەكتروندى ساموكاتشىنى كٶلٸك قاعىپ, مەرت قىلدى. جٷرگٸزۋشٸ وقيعا ورنىنان قاشىپ كەتتٸ, دەپ حابارلايدى "ۇلت اقپارات".
ادام ٶلٸمٸنە الىپ كەلگەن جول-كٶلٸك وقيعاسى 12 قاراشادا ساعات 20:35-تە ەبٸش كەكٸلباەۆ پەن بايقاداموۆ كٶشەلەرٸنٸڭ قيىلىسىندا بولدى.
«جٷك كٶلٸگٸنٸڭ جٷرگٸزۋشٸسٸ ە. كەكٸلباەۆ كٶشەسٸنٸڭ بويىمەن كەلە جاتىپ سولتٷستٸك باعىتتا بايقاداموۆ كٶشەسٸنٸڭ قيىلىسىندا وڭعا بۇرىلىپ, ۆەلوسيپەد جولاعىمەن ساموكات جٷرگٸزٸپ كەلە جاتقان 1974 جىلى تۋعان ەيەلدٸ قاعىپ كەتتٸ. ەيەل العان جاراقاتتارىنان وقيعا ورنىندا كٶز جۇمدى. ال جٷرگٸزۋشٸ وقيعا ورنىنان قاشىپ كەتكەن. كٶپ ۇزاماي پوليتسييا قىزمەتكەرلەرٸ ونى ۇستادى», - دەدٸ الماتى قالاسى بويىنشا پوليتسييا دەپارتامەنتٸنٸڭ تەرگەۋ باسقارماسىنىڭ باستىعى ولجاس شەرٸپوۆ.
دەرەك قرقك 345 بابىنىڭ 3 بٶلٸمٸ بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە ەنگٸزٸلدٸ. تيٸستٸ ساراپتامالار تاعايىندالدى.
