پاندەميياعا بايلانىستى مۇسىلماندار ٷشٸن قاسيەتتٸ رامازان ايىندا مەشٸتتەردە جاماعاتپەن ناماز وقىلمايدى. بۇل تۋرالى ونلاين بريفينگ بارىسىندا قالانىڭ باس يمامى ەركٸنبەك شوقاي ايتتى, دەپ حابارلايدى "ۇلت اقپارات".
الماتىنىڭ باس يمامى ەركٸنبەك شوقاي مۇسىلمان قاۋىمىن كەلە جاتقان قاسيەتتٸ رامازان ايىمەن قۇتتىقتادى.
«بٸزدٸڭ حالقىمىز ەجەلدەن رامازاندى ەرەكشە قاستەرلەپ: «ون ەكٸ ايدىڭ سۇلتانى»,- دەپ اتاعان. بەرەكەسٸ مول ايدا جارامازان جىرىن ايتىپ, ورازانىڭ كەلگەنٸن قۋانىشپەن جەتكٸزٸپ, ناسيحاتتاعان», - دەدٸ ەركٸنبەك شوقاي.
يمام قالا مەشٸتتەرٸندە جاماعاتپەن تاراۋىق نامازى وقىلمايتىنىن تٸلگە تيەك ەتتٸ.
«العاشقى تاراۋىق نامازى بٷگٸن وقىلادى. بيىل دا قالامىزداعى ەپيداحۋالدىڭ كٷشەيۋٸنە بايلانىستى مەشٸتتەردە جاماعاتپەن تاراۋىق نامازى وقىلمايدى», - دەدٸ قالانىڭ باس يمامى ەركٸنبەك شوقاي.
سپيكەر, ەركٸم تاراۋىق نامازىن ٶز شاڭىراعىندا وتباسى مٷشەلەرٸمەن وقۋىنا كەڭەس بەردٸ. بٸز وسىلاي وقشاۋلانۋ ارقىلى جۇقپالى ٸندەتتٸ جەڭەمٸز.
ايتا كەتەيٸك, 2021 جىلدىڭ قاسيەتتٸ رامازان ايى 13 سەۋٸردە باستالىپ, 12 مامىردا اياقتالادى.
8 مامىردان 9 مامىرعا قاراعان تٷن - قاسيەتتٸ قادٸر تٷنٸ. 13 مامىر - ورازا ايتتىڭ بٸرٸنشٸ كٷنٸ.
