الماتىدا رامازان ايىندا 100 مىڭ دانا سۋ مەن قۇرما تاراتىلادى. بۇل تۋرالى بريفينگ بارىسىندا شاھاردىڭ باس يمامى تٶلەبي وسپان ايتتى, دەپ حابارلايدى قازاقپارات.
ونىڭ ايتۋىنشا, الماتى مەشٸتتەرٸندە قاسيەتتٸ رامازان ايىنا ارنالعان جوسپار بەكٸتٸلدٸ.
«بيىل قالاداعى 52 مەشٸتتٸڭ 47-سٸندە تاراۋىق نامازىندا قۇران حاتىم تٷسٸرٸلەدٸ. قالعان 5 مەشٸتتە تاراۋىق نامازى قۇران حاتىمسىز وقىلادى. رامازان قۇران ايى. سوندىقتان,, وسى ايدا قالا مەشٸتتەرٸندە قۇران ەلٸپپەسٸ مەن ناماز ٷيرەتۋ كۋرستارى قارقىندى جٷرگٸزٸلەدٸ», - دەدٸ الماتى قالاسىنىڭ باس يمامى تٶلەبي وسپان.
سونىمەن قاتار, ول الماتى ورتالىق مەشٸتٸندە «رامازان شاتىرى» قۇرىلىپ, كٷندەلٸكتٸ 500 كٸسٸگە اۋىزاشار داستارحانى جايىلاتىنىن جەتكٸزدٸ.
قالانىڭ باسقا دا مەشٸتتەرٸندە اۋىزاشار بەرٸلەدٸ. اۋىزاشار بەرگٸسٸ كەلەتٸن كٸسٸلەر مەشٸتتەردەگٸ جاۋاپتى ادامدارعا جولىعۋلارىنا بولادى.
«ورازانىڭ العاشقى كٷنٸ جۇرتشىلىققا ورازا ايىنىڭ كەلگەنٸن سٷيٸنشٸ سۇراۋ ماقساتىندا «قوش كەلدٸڭ, رامازان!» ايدارىمەن قالا كٶشەلەرٸندە 100 مىڭ دانا سۋ مەن قۇرما تاراتىلادى. بۇل شاراعا يمامدار باستاعان جاستار جاماعاتى مەن بلوگەرلەر جۇمىلدىرىلادى. سونىمەن قاتار «جاقىنىڭا سىيلىق سىيلا» جەنە «جاراپازان» ەستافەتالارى ۇيىمداستىرىلادى», - دەدٸ تٶلەبي وسپان.
