الماتى پوليتسيياسى 20 جاستاعى جٸگٸتتٸڭ كٶلٸگٸنەن قارۋ تەركٸلەدٸ, دەپ حابارلايدى "ۇلت اقپارات".
پوليتسييا الاتاۋ اۋدانىندا «تويوتا كوروللا» كٶلٸگٸن توقتاتقان.
«تاڭعى ساعات 5:00 شاماسىندا دوسپانوۆ كٶشەسٸندە جٷرگٸزۋشٸدەن كٷدٸكتەنگەن «بۋران-027» ەكيپاجى كٶلٸكتٸ توقتاتقان. پوليتسييانى كٶرگەن ول سىتىلىپ جاناما كٶشەگە بۇرىلماق بولعان. كٶلٸكتە 19-20 جاستاعى 5 جٸگٸت بولعان. تٸنتۋ كەزٸندە ولاردان تاپانشا مەن ونىڭ وقتارى, ەكٸ مىلتىق تابىلعان. جەدەل تەرگەۋ توبى قارۋدى بالليستيكالىق ساراپتاماعا جٸبەردٸ», – دەدٸ جەرگٸلٸكتٸ پوليتسييا قىزمەتٸنٸڭ پاترۋلدٸك پولكٸنٸڭ كومانديرٸ ايتجان ەلمۇحانبەتوۆ.
ونىڭ ايتۋىنشا, «تويوتا» جولاۋشىلارى مەن جٷرگٸزۋشٸسٸ پوليتسييا ۋچاسكەسٸنە جەتكٸزٸلدٸ.
بۇل دەرەككە قاتىستى قر قك 287-بابىمەن قىلمىستىق ٸس تٸركەلدٸ.
