الماتىدا پودكاست تۋرالى العاشقى كٸتاپتىڭ تۇساۋكەسەرٸ ٶتتٸ, دەپ حابارلايدى "ۇلت اقپارات".
تەجٸريبەلٸ پودكاستەرلەر باقىتگٷل سالىحوۆا مەن ەينەل ەمٸرحان قالىڭ كٶپشٸلٸككە Alqa Publishing باسپا ٷيٸمەن بٸرلەسە شىعارعان پودكاست سالاسى تۋرالى قازاق تٸلٸندەگٸ العاشقى كٸتاپتى ۇسىندى. كٸتاپ «اتىڭ شىقپاسا, پودكاست جاسا: پايدالى پودكاست جاساۋ شەبەرحاناسى» دەپ اتالادى.
«پودكاست - دٷنيە جٷزٸندە قارقىندى دامىپ كەلە جاتقان سالالاردىڭ بٸرٸ. قازاقستان دا بۇل كٶشتەن قالىپ جاتقان جوق. ەسٸرەسە, سوڭعى بٸرنەشە جىل پودكاستەرلەردٸڭ قاتارى ارتىپ كەلەدٸ. بٸراق ٶزٸم پودكاست سالاسىنا 2019 جىلى كەلگەندە اقپاراتتى تٸرنەكتەپ جيناۋعا تۋرا كەلگەنٸ ەسٸمدە. كٸتاپتار دا تەك اعىلشىن, ورىس تٸلدەرٸندە بولاتىن. وسى ولقىلىقتىڭ ورنىن تولتىرۋ ماقساتىندا, ەرٸ سالاعا كەلٸپ جاتقان ماماندارعا, قىزىعۋشىلىق تانىتقان ادامدارعا پايدالى بولسىن دەگەن نيەتپەن باقىتگٷل ەكەۋٸمٸزدە وسى كٸتاپتى جازۋ يدەياسى تۋىندادى», - دەيدٸ كٸتاپ اۆتورلارىنىڭ بٸرٸ, OY-DETOX پودكاستىنىڭ جٷرگٸزۋشٸسٸ ەينەل ەمٸرحان.
«كٸتاپ جازۋ بارىسىندا «پودكاست» سٶزٸمەن پودكاست ەمەس نەرسەلەردٸ اتاۋ پروبلەماسىنا كەزٸكتٸك. سۇحبات, ەڭگٸمە فورماتىنداعى كٶپتەگەن YouTube جوبالاردى پودكاست دەپ اتاۋ سەنگە اينالدى, بٸراق ولار ارنايى پودكاست پلاتفورمالارىندا اۋديو فورماتىندا جارييالانباعاندىقتان, پودكاست بولا المايدى. جاڭا سٶزدەرگە, تەرميندەرگە مۇقييات بولىپ, ماعىناسىن تٷسٸنٸپ, ٶزٸن دە, ٶزگەلەردٸ دە شاتىستىرماۋ ماڭىزدى. وسى رەتتە, كٸتابىمىز پودكاست باستاپ كەتۋٸڭٸزگە كٶمەك بەرٸپ قانا قويماي, اعارتۋشىلىق قىزمەت تە اتقارادى», - دەپ جالعايدى كٸتاپ سواۆتورى باقىتگٷل سالىحوۆا.
كٸتاپتا قازاقستانداعى پودكاست سالاسىنىڭ دامۋى, پودكاست تاقىرىپتارى مەن فورماتتارى, تىڭداۋشىلار قىزىعۋشىلىعى, سالانىڭ بولاشاعى سىندى سۇراقتار قامتىلعان. اشىق اقپارات كٶزدەرٸندەگٸ پودكاستارعا تالداۋ جاسالىپ, ەلٸمٸزدەگٸ پودكاستاردىڭ كلاسسيفيكاتسيياسى ۇسىنىلعان.
«جىلدان جىلعا قازاق تٸلٸندە شىعاتىن كٸتاپتاردىڭ سانى ارتىپ كەلەدٸ. شەتەل ەدەبيەتٸ, شەتەل وقۋلىقتارىن قازاق تٸلٸنە اۋدارۋ بٸر ٸزگە قويىلدى. بٸراق بٸزگە وتاندىق كونتەكستكە, قانداي دا بٸر سالا تۋرالى زەرتتەۋگە نەگٸزدەلگەن جەرگٸلٸكتٸ اۆتورلاردىڭ جۇمىستارىنا نازار سالۋ كەرەك. القا باسپاسى ەيەل زەرتتەۋشٸ, جازۋشىلارعا باسىمدىق بەرەتٸندٸكتەن وسى كٸتاپقا قۋانا باسىپ شىعاردىق», - دەيدٸ Alqa Publishing باسپاسىنىڭ باس رەداكتورى بايان حاسانوۆا.
كٸتاپ ساتىلىمعا شىقتى, ونى Alqa Publishing باسپا ٷيٸنەن جەنە مەلومان دٷكەندەرٸنەن تابا الاسىزدار.
