الماتىدا 2019 جىلى پيروتەحنيكانى دۇرىس پايدالانباۋدان 2 ادام زارداپ شەكتٸ. بۇل تۋرالى بٷگٸن الماتى قالالىق تجد ٶكٸلدەرٸ ٶتكٸزگەن بريفينگ بارىسىندا ايتىلدى, دەپ حابارلايدى "ۇلت اقپارات".
جىل سايىن الماتىدا 31 جەلتوقساننان 5 قاڭتارعا دەيٸن ورتا ەسەپپەن 10-20 ٶرت بولادى.
«سوڭعى 5 جىلدا 61 ٶرت بولعان, ونىڭ 11-ٸ پيروتەحنيكالىق بۇيىمداردى دۇرىس قولدانباۋدان بولعان. الايدا جىلدان جىلعا پيروتەحنيكالىق زاتتاردى قولدانۋ ازايىپ كەلەدٸ. 2015 جىلى - 21 ٶرت, 2016 جىلى – 10 ٶرت, 2017 جىلى 14 ٶرت, 2018 جىلى – 13 ٶرت, 2019 جىلى 5 ٶرت تٸركەلگەن. سوڭعى ەكٸ جىلدا پيروتەحنيكالىق بۇيىمداردىڭ كەسٸرٸنەن ٶرت بولعان جوق», - دەدٸ تجد تٶتەنشە جاعدايلاردان بولاتىن تەۋەكەلدەردٸ ازايتۋ جەنە ازاماتتىق قورعانىس سالاسىن باقىلاۋ باسقارماسىنىڭ باسشىسى ايدوس نٷسٸپباەۆ.
ونىڭ ايتۋىنشا, پيروتەحنيكا ٶنٸمدەرٸن دۇرىس قولدانباۋدان ادامدار جيٸ زارداپ شەگەدٸ.
«2015 جىلدان بەرگٸ 4 جىل ٸشٸندە 138 ادام جاراقات العان. ونىڭ ٸشٸندە 73-ٸ - بالا. بٸر ايتا كەتەرلٸگٸ, جىلدان جىلعا جاراقات العانداردىڭ سانى ازايىپ كەلەدٸ. 2015 جىلى - 57 ادام, ونىڭ ٸشٸندە 21 بالا جاراقات العان. بيىل قاڭتار ايىندا 2 ادام جاراقات الدى. ونىڭ بٸرٸ – كەمەلەت جاسىنا تولماعان بالا», - دەدٸ ايدوس نٷسٸپباەۆ.
الماتى قالالىق جەدەل جەردەم ستانساسىنىڭ مامانى ادامداردىڭ كٶبٸنەسە قانداي جاراقاتپەن تٷسەتٸنٸن ايتتى.
«كٶبٸنەسە ادامداردى كٷيٸك شالادى. حالىق اراسىندا 1-2 دەرەجەلٸ كٷيٸكپەن جيٸ تٷسەدٸ. كٶپ جاعدايدا ادامنىڭ بەتٸ, قول-اياعى, كٶزٸ جاراقاتتانادى. بالالارعا 12 جاسقا دەيٸن پيروتەحنيكالىق زاتتاردى قولدانۋعا بولمايدى. مٸندەتتٸ تٷردە قاسىندا ەرەسەك ادام بولۋى كەرەك», - دەدٸ جەدەل جەردەم ستانساسىنىڭ دەرٸگەرٸ ەسەل حاليلوۆا.
