الماتى قالاسىنىڭ تٷركسٸب اۋدانىندا ٶز-ٶزٸنە قول جۇمساماق بولعان ەيەلدٸ كٷيەۋٸ مەن پوليتسييا قىزمەتكەرلەرٸ قۇتقارىپ قالدى. وقيعا سەيفۋللين داڭعىلى بويىنداعى تۇرعىن ٷي كەشەندەرٸنٸڭ بٸرٸندە بولعان, دەپ حابارلايدى ult.kz.
الدىن الا مەلٸمەت بويىنشا, كٶپقاباتتى تۇرعىن ٷيدٸڭ جوعارعى قاباتىنداعى پەتەردٸڭ بالكونىنان سەكٸرمەك بولعان كەلٸنشەك قورشاۋدان اسىپ كەتكەن. ونى كٶرشٸلەرٸ بايقاپ قالىپ, بٸردەن «102» ارناسىنا حابارلاعان.
پوليتسييا قىزمەتكەرلەرٸ وقيعا ورنىنا جەتكەنشە, ەيەلدٸڭ كٷيەۋٸ ونىڭ قۇلاپ كەتپەۋٸ ٷشٸن بار كٷشٸمەن ۇستاپ تۇرعان. ول جۇبايىن قۇشاقتاپ, تٶمەنگە قۇلاپ كەتپەۋٸ ٷشٸن جٸبەرمەي تۇرعانى ايتىلدى.
وقيعا ورنىنا پاترۋلدٸك پوليتسييا ەكيپاجى مەن ۋچاسكەلٸك پوليتسييا ينسپەكتورى جەدەل كەلٸپ, پەتەرگە كٸرگەن. تەرتٸپ ساقشىلارى ەيەلمەن سابىرلى تٷردە سٶيلەسٸپ, ونى تىنىشتاندىرۋعا تىرىسقان. كەيٸن بٸرلەسكەن ەرەكەتتٸڭ نەتيجەسٸندە كەلٸنشەكتٸ قاۋٸپسٸز جەرگە – بالكوننىڭ ٸشٸنە تارتىپ الىپ, قايعىلى جاعدايدىڭ الدىن الدى.
قۇتقارۋ وپەراتسيياسىنان كەيٸن ەيەلگە قاجەتتٸ مەديتسينالىق جەنە پسيحولوگييالىق كٶمەك كٶرسەتۋ ٷشٸن جەدەل جەردەم قىزمەتٸ شاقىرىلعان. ونىڭ قازٸرگٸ جاعدايى تۋرالى ناقتى اقپارات جارييالانعان جوق.
پوليتسييا اتالعان وقيعا بويىنشا بارلىق مەن-جايدى انىقتاپ جاتقانىن حابارلادى.
ەگەر ادام ٶزٸنە زييان كەلتٸرۋ تۋرالى ايتىپ جٷرسە نەمەسە مۇنداي ەرەكەتكە بارۋى مٷمكٸن دەگەن كٷدٸك بولسا, ونى جالعىز قالدىرماي, جاقىندارىنا, دەرٸگەرلەرگە نەمەسە شۇعىل قىزمەتتەرگە دەرەۋ حابارلاسۋ ماڭىزدى. ەرتە كٶرسەتٸلگەن كٶمەك ادامنىڭ ٶمٸرٸن ساقتاپ قالۋى مٷمكٸن.
