الماتىدا قازاقستانداعى مەحانيزمدەر مەن ماشينالار تەوريياسى عىلىمي مەكتەبٸنٸڭ نەگٸزٸن قالاۋشى, اكادەميك ٶمٸربەك ارىسلانۇلى جولداسبەكوۆتٸڭ تۋعانىنا 90 جىل تولۋىنا وراي «بولاشاق مەحانيكاسى» اتتى حالىقارالىق جولداسبەكوۆ سيمپوزيۋمى باستالدى, دەپ حابارلايدى "ۇلت اقپارات".
ناۋرىزدىڭ 1-5 ارالىعىندا ٶتەتٸن سيمپوزيۋمدى بعم عك اكادەميك ٶ.ا.جولداسبەكوۆ اتىنداعى مەحانيكا جەنە ماشيناتانۋ ينستيتۋتى جەنە قازاقستان رەسپۋبليكاسىنىڭ ۇلتتىق ينجەنەرلٸك اكادەميياسى, ەل-فارابي اتىنداعى قازۇۋ, ق.سەتپاەۆ اتىنداعى قازۇتۋ جەنە «ناز» جشس قولداۋىمەن ۇيىمداستىرىپ وتىر.
سيمپوزيۋمنىڭ اشىلۋ سالتاناتىندا ٶمٸربەك جولداسبەكوۆ تۋرالى بايانداما جاسالىپ, كٶزٸ كٶرگەندەر ەستەلٸك ايتتى.
«ٶمٸربەك ارسىلانۇلى - ول ناعىز تۇلعا. ول مەكتەپتٸ التىن مەدالمەن بٸتٸرگەن. ودان كەيٸن م.ۆ.لومونوسوۆ اتىنداعى ۋنيۆەرسيتەتٸن قىزىل ديپلومەن تەمامدادى. ەڭبەك جولىن تۋعان جەرٸ شىمكەنتتە باستادى. ول كٸسٸنٸ ستۋدەنتتەر ٶتە جاقسى كٶردٸ. ٶتە قاراپايىم بولدى. 1962 جىلى 31 جاسىندا عىلىم كانديداتى بولدى. 1973 جىلى 42 جاسىندا عىلىم دوكتورى بولدى. ول كەزدە عىلىمي اتاققا يە بولۋ ٶتە قيىن بولاتىن. تالاپ كٷشتٸ ەدٸ. ول - بار عۇمىرىن قازۇۋ-گە ارناعان جان», - دەيدٸ ۇلتتىق عىلىم اكادەميياسىنىڭ پرەزيدەنتٸ مۇرات جۇرىنوۆ.
ٶز كەزەگٸندە مەملەكەت جەنە قوعام قايراتكەرٸ باقىتجان جۇماعۇلوۆ اكادەميك ٶمٸربەك جولداسبەكوۆ تەربيەلەگەن شەكٸرتتەرٸ بٷگٸندە ەلٸمٸزدٸڭ دامۋىنا ٷلەس قوسىپ جٷرگەنٸن اتاپ ٶتتٸ.
«ەڭ الدىمەن ٶمٸربەك جولداسبەكوۆ مىقتى شەكٸرتتەر تەربيەلەدٸ. ەر سالانى دامىتۋ ٷشٸن كٷش سالدى. وسى كٸسٸنٸڭ كٶرەگەندٸگٸنٸڭ ارقاسىندا جوو عىلىمي جۇمىستارمەن اينالىسۋعا مٷمكٸندٸك تۋدى. ياعني, ول عىلىمي مەكتەپ قالىپتاستىردى. 25 دوكتور, 100 كانديدات دايىندادى»,- دەدٸ باقىتجان جۇماعۇلوۆ.
ايتا كەتەيٸك, سيمپوزيۋمدا اقش, رەسەي, فرانتسييا, جاپونييا, تٷركييا, يران, يراك, پولشا جەنە تاعى باسقا 15 ەلدەن كەلگەن عالىمداردىڭ قاتىسۋىمەن 120-دان استام عىلىمي بايانداما جاسالماق.
بۇعان دەيٸن ۋنيۆەرسيتەت رەكتورى جانسەيٸت تٷيمەباەۆ باستاعان جوعارى وقۋ ورنىنىڭ باسشىلىعى, عىلىمي قوعام ٶكٸلدەرٸ, ٶمٸربەك جولداسبەكوۆتٸڭ وتباسى مٷشەلەرٸ, كەزٸندە بٸرگە جۇمىس ٸستەگەن ەرٸپتەستەرٸ, دوس-جاراندارى, شەكٸرتتەرٸ جەنە ستۋدەنتتەر اكادەميكتٸ ەسكە الىپ, رۋحىنا تاعىزىم ەتٸپ ەسكەرتكٸشٸنە گٷل شوعىن قويدى.
