الماتىدا كوروناۆيرۋستىڭ "وميكرون" شتامى انىقتالعان جوق. بۇل تۋرالى قالانىڭ باس سانيتار دەرٸگەرٸ جانداربەك بەكشين مەلٸمدەدٸ, دەپ حابارلايدى Sputnik قازاقستان.
"قالا 13 جەلتوقساننان بەرٸ "جاسىل" ايماقتا تۇر. اپتا سايىن اۋرۋشاڭدىق كٶرسەتكٸشٸ تٶمەندەپ جاتىر. جەلتوقساندا بولجام بويىنشا 1200 جاعداي تٸركەلەدٸ, سەبەبٸ ايدىڭ اياقتالۋىنا بٸر اپتا قالدى. ال قالا بويىنشا تەۋلٸگٸنە 35-40 جاعداي تٸركەلٸپ جاتىر", - دەدٸ بەكشين.
قالانىڭ باس سانيتار دەرٸگەرٸ كوروناۆيرۋستىڭ "وميكرون" شتامى كٶپشٸلٸكتٸ الاڭداتىپ وتىرعانىن ايتتى.
"دەنساۋلىق ساقتاۋ مينيسترلٸگٸنەن زەرتتەۋ نەتيجەلەرٸن الدىق. قالامىزدا "وميكرون" شتامى تابىلعان جوق. بارلىق جاعدايدى باقىلاپ وتىرمىز", - دەدٸ جانداربەك بەكشين.
ايتۋىنشا, زەرتتەۋ كەزٸندە قالادا "دەلتا+" شتامى جيٸ انىقتالعان.
"وميكروننىڭ" الدىن الۋ شارالارى بارىسىندا شەتەلدەن كەلەتٸن ەۋەجاي جولاۋشىلارىن باقىلاۋعا الىپ جاتىرمىز. "وميكرون" تٸركەلگەن ەلدەردەن قالامىزعا 1 600 ادام كەلگەن. ولاردىڭ اراسىندا زەرتتەۋ جٷرگٸزگەن كەزدە التى ادامنان كوروناۆيرۋس قوزدىرعىشى انىقتالدى. قازٸر التى سىناما نۇر-سۇلتان قالاسىنا ارنايى زەرتحاناعا جٸبەرٸلدٸ. ونىڭ جاۋابىن 10 كٷننەن كەيٸن الامىز", - دەدٸ قالانىڭ باس سانيتار دەرٸگەرٸ.
جانداربەك بەكشين اقش, گەرمانييا, رەسەي, ۇلىبريتانييا, يزرايلدەن كەلەتٸن جولاۋشىلار الاڭداتىپ وتىرعانىن ايتتى. ونىڭ سٶزٸنشە, كوروناۆيرۋس قوزدىرعىشى انىقتالعان التى جولاۋشى گەرمانييا مەن ۇلىبريتانييادان كەلگەن.
ايتا كەتەرٸ, بۇعان دەيٸن بەكشين قالادا "وميكرون" شتامىنىڭ بار-جوعىن انىقتاۋ قالاي جٷرٸپ جاتقانىن ايتتى.
"قازٸر قالا بويىنشا "وميكرون" بويىنشا باقىلاۋ جٷرگٸزٸپ جاتىرمىز. 3 جەلتوقساندا نۇر-سۇلتان قالاسىنا 53 سىناما جٸبەردٸك. ونىڭ ماقساتى – سول سىنامالاردا "وميكرون" شتامىنىڭ بار-جوعىن انىقتاۋ. زەرتتەۋ ۇزاق ۋاقىتقا سوزىلادى", - دەدٸ بەكشين 10 جەلتوقساندا ٶتكەن بريفينگتە.
