الماتىدا ٶكپەسٸ 100% زاقىمدانعان ەيەل شۇعىل كٶمەك كٶرسەتۋ اۋرۋحاناسىنان ەمدەلٸپ, ٷيٸنە شىقتى, دەپ حابارلايدى "ۇلت اقپارات".
الماتىلىق مايرا قۇسپانوۆانىڭ ايتۋىنشا, بٷگٸنگٸ تۋعان كٷنٸن ەشقاشان ۇمىتپايدى. ول ٶزٸنٸڭ تۋعان كٷنٸندە الماتى قالالىق جەدەل شۇعىل كٶمەك كٶرسەتۋ اۋرۋحاناسىنان امان-ەسەن شىقتى. مۇندا ول بٸر اي كوروناۆيرۋستەن ەمدەلدٸ.
الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, ناۋقاس اۋرۋحاناعا 1 سەۋٸر كٷنٸ ٶكپەنٸڭ 100 پايىز زاقىمدانۋىمەن اۋىر حالدە تٷسكەن. ونىڭ ٶمٸرٸن ساقتاپ قالۋ ٷشٸن دەرٸگەرلەر جانساقتاۋ بٶلٸمٸندە ەكٸ اپتا كٷرەستٸ. ول ٶكپەنٸ جاساندى جەلدەتۋ اپپاراتى مەن Higt Flow-دا بەس كٷن, ٶكپەنٸ ينۆازيۆتٸ ەمەس جەلدەتۋ اپپاراتىندا ٷش كٷن جاتتى.
«مەن ٶز-ٶزٸمە كەلە الماي, تىنىس الۋ اپپاراتىندا جاتىپ, و دٷنيەنٸ كٶردٸم دەسەم بولادى. اق حالاتتى ابزال جاندارعا مىڭ العىس. اتاپ ايتار بولسام, گٷلنار بەردالينا, گٷلميرا تويباەۆا, جانات ەبدٸمولداەۆا, باكتييار بەكٸشەۆ, ايدان نۇرلىبەك, بارلىق مەدبيكەلەر مەن سانيتار قىزدارعا ەكٸنشٸ ٶمٸردٸ سىيلاعانى ٷشٸن كٶپ راقمەت. كوروناۆيرۋسقا ەلٸ دە سەنبەيتٸن ادامدارعا, ۆاكتسينا سالدىرتىپ, كٷتٸم جاساۋدى ۇسىنامىن, دەنساۋلىققا ارتىق قاۋٸپ تٶندٸرۋدٸڭ قاجەتٸ جوق», - دەيدٸ مايرا قۇسپانوۆا.
ناۋقاستىڭ كٷندەلٸكتٸ ەمدەۋ بارىسىن باس دەرٸگەر الماز دجۋۆاشەۆ باستاعان اۋرۋحانا مەڭگەرۋشٸلەرٸ باقىلاپ وتىردى.
«پاتسيەنتتٸڭ ساۋىعۋى تٷرلٸ ماماندىقتاعى دەرٸگەرلەردٸڭ ۋاقتىلى كٶمەگٸ, كوماندالىق جۇمىس پەن ناۋقاستىڭ ٶزٸنٸڭ ەمدەلۋگە دەگەن پەيٸلٸنٸڭ نەتيجەسٸ. جەنە ەڭ باستىسى رەانيماتولوگتاردىڭ ارقاسى»,- دەيدٸ دەرٸگەر گٷلميرا تويباەۆا.
بٷگٸن اۋرۋحانا قىزمەتكەرلەرٸ مايرا قۇسپانوۆانى تۋعان كٷنٸمەن قۇتتىقتاپ, ٷيٸنە شىعارىپ سالدى.
