الماتى ەكٸمٸنٸڭ ورىنباسارى ەرجان باباقۇماروۆ ونلاين-بايلانىس رەجيمٸندە ورتالىق قالالىق كلينيكالىق اۋرۋحانا ۇجىمىمەن جينالىس ٶتكٸزدٸ, دەپ حابارلايدى "ۇلت اقپارات".
وتىرىسقا قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ, اۋرۋحانانىڭ بٶلٸم مەڭگەرۋشٸلەرٸ مەن ديرەكتوردىڭ ورىنباسارى قاتىستى.
جيىندا جۇمىسقا ورنالاستىرۋ جەنە كوروناۆيرۋسقا قارسى كٷرەسكە جۇمىلدىرىلعان, ينفەكتسييانى جۇقتىرعان مەديتسينا قىزمەتكەرلەرٸنە ٷستەمەاقى تٶلەۋدٸ جٷزەگە اسىرۋ بويىنشا ەڭبەك ۇجىمىنىڭ مەسەلەلەرٸ قارالدى. سونىمەن قاتار, ورتالىق قالالىق كلينيكالىق اۋرۋحانا باس دەرٸگەرٸنٸڭ مٸندەتٸن ۋاقىتشا اتقارۋشى گٷلنار قۇلقاەۆانىڭ بايانداماسى تىڭدالدى.
گٷلنەر قۇلقاەۆانىڭ ايتۋىنشا, اۋرۋحانانىڭ 10 قىزمەتكەرٸ ٶز ەركٸمەن جۇمىستان شىققان. 1 ماۋسىمعا دەيٸن ساۋىققان 143 قىزمەتكەر جۇمىسقا ورنالاسادى, ال 1-15 ماۋسىم ارالىعىندا قالعان بارلىق قىزمەتكەرلەر جۇمىسقا شىعۋعا دايىن.
وتىرىسقا قاتىسۋشىلار قالالىق كارانتين رەجيمٸنٸڭ اياسىندا قالىپتاسقان ەڭبەك قۇقىعىن ودان ارى رەتتەۋ شارالارى بويىنشا قوعامدىق دەنساۋلىق ساقتاۋ باسقارماسىنىڭ تەسٸلدەرٸن قاراستىردى.
ورتالىق قالالىق كلينيكالىق اۋرۋحانا قىزمەتكەرلەرٸ ٷشٸن اعىمداعى جىلدىڭ 1 ماۋسىمىنان باستاپ 15 كٷننەن ۆاحتالىق جۇمىس ەدٸسٸ بەلگٸلەنگەن, الايدا بۇل ەدٸس جانساقتاۋ بٶلٸمٸندەگٸ ماماندارعا قاتىستى ەمەس, ولار ٷشٸن ساعاتتىق جۇمىس كەستەسٸ قاراستىرىلعان.
سونىمەن بٸرگە, وقكا قىزمەتكەرلەرٸن بارىنشا №4, №7 اۋرۋحانا مەن قالالىق جەدەل شۇعىل كٶمەك كٶرسەتۋ اۋرۋحاناسىناداعى بوس ورىندارعا جۇمىسقا ورنالاستىرۋ تاپسىرىلدى.
سونداي-اق, جۇمىسقا ورنالاستىرىلماعان وقكا قىزمەتكەرلەرٸنە ٶندٸرٸستٸڭ توقتاپ تۇرعان كەزەڭٸندە جەرگٸلٸكتٸ بيۋدجەت قارجىسى ەسەبٸنەن ورتاشا ايلىق ەسەپپەن جالاقى تٶلەۋ جوسپارلانىپ وتىر.
ٷستەماقى مەسەلەسٸ بويىنشا ارنايى جۇمىس توبى قۇرىلدى, تٸزٸمدەر جاسالدى, جاقىن ارادا دەنساۋلىق ساقتاۋ مينيسترلٸگٸنٸڭ ارنايى توبى جٷرگٸزگەن تەرگەۋ امالدارىنىڭ رەسمي نەتيجەسٸ كٷتٸلۋدە. سوعان بايلانىستى سوڭعى شەشٸم قابىلدانادى.
