10-17 ناۋرىز ارالىعىندا الماتىدا زاڭسىز جٷرگەن ازاماتتاردى انىقتاۋ جەنە قالادا كريمينوگەندٸك جاعدايدى جاقسارتۋ ماقساتىندا «ميگرانت» رەسپۋبليكالىق جەدەل-الدىن الۋ ٸس-شاراسى ٶتۋدە, دەپ حابارلايدى قازاقپارات.
ٸس-شارانىڭ تٶرت كٷنٸندە قر كٶشٸ-قون زاڭناماسىن بۇزعان 1 263 ادام انىقتالدى جەنە ەكٸمشٸلٸك جاۋاپكەرشٸلٸككە تارتىلدى.
«قازاقستان رەسپۋبليكاسى اۋماعىنان 101 شەتەلدٸك, ونىڭ ٸشٸندە جەتٸ ادام ازاماتتىق سوت ٸسٸن جٷرگٸزۋ ارقىلى ەلدەن شىعارىلدى. قازاقستان رەسپۋبليكاسىندا بولۋ ەرەجەلەرٸن بۇزعانى ٷشٸن 951 شەتەلدٸك ەكٸمشٸلٸك, شەتەلدٸكتەردٸڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ٷشٸن 282 قابىلداۋشى تاراپ جاۋاپكەرشٸلٸككە تارتىلدى. قازاقستان رەسپۋبليكاسىنا شەتەلدٸك جۇمىس كٷشٸن تارتۋ ەرەجەلەرٸن بۇزعان 30 جۇمىس بەرۋشٸ دە جازالاندى. سونىمەن قاتار, زاڭسىز كٶشٸ-قون ارناسىن ۇيىمداستىرۋدىڭ 6 دەرەگٸ انىقتالدى جەنە تٸركەلدٸ», – دەدٸ الماتى قالالىق پوليتسييا دەپارتامەنتٸنٸڭ كٶشٸ-قون قىزمەتٸ باسقارماسىنىڭ باستىعى اسحات بۋتۋنچينوۆ.
قۇقىق بۇزۋشىلاردىڭ اراسىندا قولىنا ەمٸزۋلٸ سەبيٸن ۇستاپ, بازاردا قايىرشىلىقپەن اينالىسقان 26 جاستاعى ٶزبەكستان ازاماتشاسى دا بار.
سونداي-اق, 2017 جىلدان بەرٸ قازاقستان رەسپۋبليكاسىنىڭ اۋماعىندا جەكە باسىن كۋەلاندىراتىن قۇجاتسىز جەنە تۇراقتى تۇرعىلىقتى جەرٸ جوق بولىپ جٷرگەن 50 جاستاعى ٶزبەكستان ازاماتىنا قاتىستى ەكٸمشٸلٸك شارا قولدانىلدى. سوت شەشٸمٸمەن ول ەل اۋماعىنان شىعارىلدى.
