جالعان تاۋارلاردىڭ ەلەمدٸك نارىعى جىل سايىن ەر تٷرلٸ اتاۋلارمەن تولىقتىرىلىپ وتىرادى. قىلمىسكەرلەر تۇتىنۋ تاۋارلارىن دا, ينتەرنەت قوسىمشالارى مەن باعدارلامالىق ٶنٸمدەردٸ دە قولدان جاساۋمەن اينالىسادى, دەپ حابارلايدى قازاقپارات قر قما باسپاسٶز قىزمەتٸنە سٸلتەمە جاساپ.
قارجىلىق مونيتورينگ اگەنتتٸگٸنٸڭ الماتى قالاسى بويىنشا اۋماقتىق دەپارتامەنتٸ «Microsoft» ليتسەنزيياسى جوق باعدارلامالىق جاساقتاماسىن ساتۋ ارناسىنىڭ جولىن كەستٸ.
جەدەل-تەرگەۋ ٸس-شارالارى بارىسىندا زييانكەستەر بٸرقاتار جالعان كومپانييالاردى پايدالانا وتىرىپ, «Microsoft» كومپانيياسىنىڭ ٶنٸمٸن جەتكٸزۋگە ەڭ تٶمەن باعا ۇسىنىسىمەن مەملەكەتتٸك ساتىپ الۋعا قاتىسقاندىعى انىقتالدى.
كونكۋرستىق ٸرٸكتەۋ قورىتىندىلارى بويىنشا ولار جەڭٸمپاز دەپ تانىلىپ, جالپى سوماسى 50 ملن تەڭگەدەن استام بٸرقاتار مەملەكەتتٸك كەسٸپورىندار مەن مەكەمەلەردٸڭ اتىنا رەسمي باعدارلامالىق جاساقتاما تٷرٸندە جالعان ٸسكە قوسۋ كٸلتتەرٸ بار «Microsoft Office Professional» ليتسەنزيياسى جوق باعدارلامالىق جاساقتاماسىن جەتكٸزگەن.
قازٸرگٸ ۋاقىتتا الماتى قالاسىنىڭ تەرگەۋ سوتى ٷش تۇلعاعا قاتىستى 2 اي مەرزٸمگە قاماۋدا ۇستاۋ تٷرٸندەگٸ بۇلتارتپاۋ شاراسىن سانكتسييالادى.
ٶزگە اقپارات تەرگەۋ مٷددەسٸنە وراي جارييا ەتٸلمەيدٸ.
