Jalǵan taýarlardyń álemdik naryǵy jyl saiyn ár túrli ataýlarmen tolyqtyrylyp otyrady. Qylmyskerler tutyný taýarlaryn da, internet qosymshalary men baǵdarlamalyq ónimderdi de qoldan jasaýmen ainalysady, dep habarlaidy QazAqparat QR QMA baspasóz qyzmetine silteme jasap.
Qarjylyq monitoring agenttiginiń Almaty qalasy boiynsha aýmaqtyq departamenti «Microsoft» litsenziiasy joq baǵdarlamalyq jasaqtamasyn satý arnasynyń jolyn kesti.
Jedel-tergeý is-sharalary barysynda ziiankester birqatar jalǵan kompaniialardy paidalana otyryp, «Microsoft» kompaniiasynyń ónimin jetkizýge eń tómen baǵa usynysymen memlekettik satyp alýǵa qatysqandyǵy anyqtaldy.
Konkýrstyq irikteý qorytyndylary boiynsha olar jeńimpaz dep tanylyp, jalpy somasy 50 mln teńgeden astam birqatar memlekettik kásiporyndar men mekemelerdiń atyna resmi baǵdarlamalyq jasaqtama túrinde jalǵan iske qosý kiltteri bar «Microsoft Office Professional» litsenziiasy joq baǵdarlamalyq jasaqtamasyn jetkizgen.
Qazirgi ýaqytta Almaty qalasynyń tergeý soty úsh tulǵaǵa qatysty 2 ai merzimge qamaýda ustaý túrindegi bultartpaý sharasyn sanktsiialady.
Ózge aqparat tergeý múddesine orai jariia etilmeidi.
