الماتىدا تٶلە بي مەن ماسانچي كٶشەلەرٸ قيىلىسىنداعى ساياباققا 30 تٷپ مامىرگٷل بۇتاعى وتىرعىزىلدى, دەپ حابارلايدى قازاقپارات.
«قازاقستانعا ارنالعان اعاشتار» جوباسى اياسىندا «ٸزگٸ ٸستەر مارافونى» ۇلتتىق جوباسى مەن ەلەۋمەتتٸك ماڭىزى بار باستامالاردى دامىتۋ قورى الماتىداعى تٶلە بي مەن ماسانچي كٶشەلەرٸ قيىلىسىنداعى ساياباققا 30 تٷپ مامىرگٷل بۇتاعىن وتىرعىزدى.
ۇيىمداستىرۋشىلاردىڭ ايتۋىنشا, اكتسييا مەديتسينا قىزمەتكەرلەرٸنٸڭ قۇرمەتٸنە ارنالعان.
«بۇل جەر الداعى ۋاقىتتا مامىرگٷل پاركٸنە اينالادى. بۇل اكتسييانى كوروناۆيرۋسپەن كٷرەسكەن بارلىق مەديتسينا قىزمەتكەرلەرٸنە ارنادىق. مۇندا مامىرگٷلدٸڭ «مەيەرا» تۇقىمى وتىرعىزىلدى. بۇل جوبا ەلٸمٸزدٸڭ باسقا دا ٶڭٸرلەرٸندە قولعا الىنعان. قازٸر تٶرت جوبا نۇر-سۇلتان قالاسى بويىنشا جٷزەگە اسىرىلىپ جاتىر. اتاپ ايتار بولسام, «ۇستاز الاڭى», «مەديتسينا قىزمەتكەرلەرٸنٸڭ سكۆەرٸ», «8 ناۋرىز اللەياسى» جەنە «ناۋرىز» اللەياسى. جوبانىڭ ماقساتى – ەر قازاقستاندىقتى ەلٸمٸزدٸ كٶگالداندىرۋعا جۇمىلدىرۋ», - دەيدٸ قوعامدىق ماڭىزى بار باستامالاردى دامىتۋ قورىنىڭ ٶكٸلٸ دينا دانيياروۆا.
جوبانىڭ بارلىق قاتىسۋشىلارىنىڭ ماقساتى – ەكوپاركتٸ قۇرۋ عانا ەمەس, سونىمەن بٸرگە, ونىڭ ساپاسىن قولداۋ جەنە ودان ەرٸ بەلسەندٸ دامىتۋ.
«بٸز ٷنەمٸ ەلەۋمەتتٸك جوبالارعا قولداۋ كٶرسەتەمٸز. بٸزدٸڭ ماقساتىمىز – ادامدارعا قۋانىش سىيلاۋ, باسقالارعا ٷلگٸ كٶرسەتۋ. الداعى ۋاقىتتا بۇل ساياباق قالالىقتاردىڭ سٷيٸكتٸ ورنىنا اينالادى دەپ ويلايمىز», - دەدٸ «كٶركەم تەلەكوم» جشس ديرەكتورى ەسەت احمەتوۆ.
ايتىلىپ ٶتكەندەي, اكتسيياعا قاتىسقاندار بارلىق سانيتارلىق تالاپتى ساقتادى.
