الماتىدا ارنايى وپەراتسييا بارىسىندا لومباردتان قۇنى 40 ميلليون تەڭگەدەن اساتىن زەرگەرلٸك بۇيىمداردى ۇرلاعان كٷدٸكتٸ ۇستالدى, دەپ حابارلايدى قازاقپارات.
«11 قىركٷيەكتە الماتى وبلىسى قاراساي اۋداندىق پوليتسييا باسقارماسىنىڭ كەزەكشٸ بٶلٸمٸنە قاسكەلەڭ قالاسىنىڭ 54 جاستاعى تۇرعىنى ۇرلىق جاسالعانى تۋرالى ارىز تٷسٸردٸ. ول لومباردتان جالپى قۇنى 40 ميلليون تەڭگەنٸڭ زەرگەرلٸك بۇيىمدارى ۇرلانعانىن ايتتى. جەبٸرلەنۋشنٸڭ سٶزٸنشە, ۇرى ٸشكە قابىرعانى بۇزىپ كٸرگەن», - دەپ حابارلادى الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
اتالعان فاكت قر قىلمىستىق كودەكستٸڭ 188-بابى 3-بٶلٸگٸ بويىنشا تٸركەلدٸ.
ارنايى ۇيىمداستىرىلعان جەدەل-ٸزدەستٸرۋ شاراسى بارىسىندا الماتى وبلىسى ٸٸد كريمينالدىق پوليتسييا باسقارماسىنىڭ قىزمەتكەرلەرٸ ۇرلىق جاساعانى ٷشٸن بٸرنەشە رەت سوتتالعان 36 جاستاعى كٷدٸكتٸنٸ انىقتادى.
ول - ەكٸباستۇز قالاسىنىڭ تۋماسى.
ەر ادام جالدامالى پەتەرلەردە تۇرىپ, مەكەنجايىن جيٸ اۋىستىرعان.
«الماتىدا ارنايى جاساق ساربازدارىنىڭ قاتىسۋىمەن جٷرگٸزٸلگەن وپەراتسييا بارىسىندا 6 قاراشا كٷنٸ كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. ەر ادام ۇرلىق جاساعانىن مويىندادى. ول لومباردقا دابىلدى ٶشٸرٸپ, ارنايى قۇرىلعىنىڭ كٶمەگٸمەن قابىرعانى بۇزىپ كٸرگەنٸن ايتتى»,- دەپ اتاپ ٶتتٸ ۆەدومستۆادان.
ول ۇرلانعان زەرگەرلٸك بۇيىمداردى الىپساتارلارعا ٶتكٸزگەن.
تٷسكەن اقشاعا كەپٸلدە تۇرعان ەيەلٸنٸڭ كٶلٸگٸ مەن ٶزٸنە سۋ جاڭا قىمبات كٶلٸك ساتىپ العانى بەلگٸلٸ بولدى.
