الماتى وبلىسىندا 7 تامىزدان 8 تامىزعا قاراعان تٷنٸ قىزدى الىپ قاشپاق بولعان تٶرت ادام جول اپاتىنان قازا تاپتى, - دەپ حابارلايدى kaz.tengrinews.kz تٸلشٸسٸ وبلىستىق ٸٸد باسپاسٶز قىزمەتٸنە سٸلتەمە جاساپ.
الماتى - كٶكپەك - كٶكتال تاس جولىندا بولعان جانتٷرشٸگەرلٸك جول اپاتىندا زارداپ شەككەن 22 جاستاعى ەلييا وشاقباەۆا ەسٸك قالاسىنىڭ ورتالىق اۋداندىق اۋرۋحاناسىندا ەلٸ كٷنگە دەيٸن اۋىر جاعدايدا جاتىر. بۇل تۋرالى Tengrinews.kz تٸلشٸسٸنە ەلييانىڭ اعاسى اركەن ماحمۇت حابارلادى. ونىڭ ايتۋىنشا دەرٸگەرلەر قىزدىڭ جاعدايىن اۋىر دەپ باعالاپ وتىر. بولعان جول اپاتىنان كەيٸن قىزدىڭ اياق-قولى, جامباسى مەن ومىرتقاسى سىندى. "ول ەسٸن جيدى, سٶيلەي الادى. بٸراق دەرٸگەرلەر ونىڭ جاعدايىن ٶتە اۋىر دەپ باعالاپ وتىر. كٶپ قان جوعالتقان, ومىرتقاسىنا زاقىم كەلگەن", - دەدٸ قىزدىڭ اعاسى.
ايتا كەتەيٸك, الماتى وبلىسىنىڭ ٸٸد باسپاسٶز قىزمەتٸندەگٸلەر ازاماتتاردىڭ قىزدى الىپ قاشپاق بولعاندىعىن راستادى.
22 جاستاعى ەلييا وشاقباەۆا الماتى وبلىسى اقشي اۋىلىندا دٷنيەگە كەلگەن. جوعارى وقۋ ورنىن بٸتٸرٸپ, سەۋلەتشٸ ماماندىعى بويىنشا جۇمىسقا تۇرماق بولعان. اعاسىنىڭ ايتۋىنشا, ونى الماتىدا تٷنگٸ ۋاقىتتا الداپ دالاعا شىعارىپ, تٶرت ەر ادام كٶلٸككە يتەرٸپ كٸرگٸزگەن. "ولار ەليياعا قوڭىراۋ شالىپ, اۋىلدان ولاردىڭ تۋىستارى كەلدٸ دەپ, ەلييانى دالاعا شىعارعان. سونداي-اق, ولار ەليياعا قالانى جاقسى بٸلمەيمٸز دەپ ايتقان. ونىڭ ايتۋىنشا, الماتىداعى اباي - التىنسارين كٶشەسٸنەن بٸرلٸك اۋىلىنا دەيٸن ولار قىرىق مينۋتتا جەتكەن. سوندا جول-كٶلٸك وقيعاسى بولعان. ەلييانىڭ قولىندا زورلىق بەلگٸلەرٸ كٶپ. ونى كٷشتەپ ۇستاعانى كٶرٸنٸپ تۇر", - دەدٸ ەلييانىڭ اعاسى.
ايتا كەتەيٸك, بولعان جول اپاتىنان كٶلٸكتٸڭ ٸشٸندەگٸ تٶرت جٸگٸت قازا تاۋىپ, تەك قىز امان قالعان.
"ولارعا قانداي شاعىمىمىز بولۋى مٷمكٸن. ولاردىڭ بارلىعى قازا تاپتى عوي. ولاردىڭ تۋىستارىنان اقشا كەرەك جوق. بٸز ولاردان تەك كٶمەك الا الامىز, ەرينە, ەگەر ولار بٸزگە جاقسى سىنىقشىنى تاۋىپ بەرسە جاقسى بولار ەدٸ. قىزدى اياققا تۇرعىزۋ كەرەك. بٸزگە اقشا كەرەك ەمەس. تەك ەم كەرەك", - دەدٸ اركەن ماحمۇت.
ەسكە سالايىق, 7 تامىزدان 8 تامىزعا قاراعان تٷنٸ الماتى وبلىسىنداعى الماتى - كٶكپەك - كٶكتال تاس جولىندا جول اپاتى بولعان ەدٸ. جول اپاتى بويىنشا تەرگەۋ جۇمىستارى باستالىپ, قاجەتتٸ ساراپتامالار تاعايىندالدى.
