Almaty oblysynda 7 tamyzdan 8 tamyzǵa qaraǵan túni qyzdy alyp qashpaq bolǵan tórt adam jol apatynan qaza tapty, - dep habarlaidy kaz.tengrinews.kz tilshisi oblystyq IID baspasóz qyzmetine silteme jasap.
Almaty - Kókpek - Kóktal tas jolynda bolǵan jantúrshigerlik jol apatynda zardap shekken 22 jastaǵy Áliia Oshaqbaeva Esik qalasynyń ortalyq aýdandyq aýrýhanasynda áli kúnge deiin aýyr jaǵdaida jatyr. Bul týraly Tengrinews.kz tilshisine Áliianyń aǵasy Arken Mahmut habarlady. Onyń aitýynsha dárigerler qyzdyń jaǵdaiyn aýyr dep baǵalap otyr. Bolǵan jol apatynan keiin qyzdyń aiaq-qoly, jambasy men omyrtqasy syndy. "Ol esin jidy, sóilei alady. Biraq dárigerler onyń jaǵdaiyn óte aýyr dep baǵalap otyr. Kóp qan joǵaltqan, omyrtqasyna zaqym kelgen", - dedi qyzdyń aǵasy.
Aita keteiik, Almaty oblysynyń IID baspasóz qyzmetindegiler azamattardyń qyzdy alyp qashpaq bolǵandyǵyn rastady.
22 jastaǵy Áliia Oshaqbaeva Almaty oblysy Aqshi aýylynda dúniege kelgen. Joǵary oqý ornyn bitirip, sáýletshi mamandyǵy boiynsha jumysqa turmaq bolǵan. Aǵasynyń aitýynsha, ony Almatyda túngi ýaqytta aldap dalaǵa shyǵaryp, tórt er adam kólikke iterip kirgizgen. "Olar Áliiaǵa qońyraý shalyp, aýyldan olardyń týystary keldi dep, Áliiany dalaǵa shyǵarǵan. Sondai-aq, olar Áliiaǵa qalany jaqsy bilmeimiz dep aitqan. Onyń aitýynsha, Almatydaǵy Abai - Altynsarin kóshesinen Birlik aýylyna deiin olar qyryq minýtta jetken. Sonda jol-kólik oqiǵasy bolǵan. Áliianyń qolynda zorlyq belgileri kóp. Ony kúshtep ustaǵany kórinip tur", - dedi Áliianyń aǵasy.
Aita keteiik, bolǵan jol apatynan kóliktiń ishindegi tórt jigit qaza taýyp, tek qyz aman qalǵan.
"Olarǵa qandai shaǵymymyz bolýy múmkin. Olardyń barlyǵy qaza tapty ǵoi. Olardyń týystarynan aqsha kerek joq. Biz olardan tek kómek ala alamyz, árine, eger olar bizge jaqsy synyqshyny taýyp berse jaqsy bolar edi. Qyzdy aiaqqa turǵyzý kerek. Bizge aqsha kerek emes. Tek em kerek", - dedi Arken Mahmut.
Eske salaiyq, 7 tamyzdan 8 tamyzǵa qaraǵan túni Almaty oblysyndaǵy Almaty - Kókpek - Kóktal tas jolynda jol apaty bolǵan edi. Jol apaty boiynsha tergeý jumystary bastalyp, qajetti saraptamalar taǵaiyndaldy.
