بٷگٸن كوروناۆيرۋسقا بايلانىستى الماتى قالالىق سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا بريفينگ ٶتكٸزدٸ. وندا قالاداعى ەپيدەميولوگييالىق احۋال تۋرالى ايتىلدى, دەپ حابارلايدى "ۇلت اقپارات".
ونىڭ ايتۋىنشا, الماتىدا ەپيدەميولوگييالىق جاعداي ۇشىعىپ تۇر. قالا بۇرىنعىداي «قىزىل» ايماقتا.
«پاندەمييا باستالعالى قالادا ۆيرۋس جۇقتىرۋدىڭ 34 598 جاعدايى تٸركەلدٸ. ال 2021 جىلدىڭ باسىنان بەرٸ 16 077 جاعداي انىقتالدى, ونىڭ 9 525 جاعدايى تەك ناۋرىز ايىندا تٸركەلگەن. ياعني ناۋرىز ايىندا جۇرتشىلىق اراسىندا ۆيرۋستىڭ تاراۋى ٶرشي تٷسكەن. سوڭعى 7 كٷندەگٸ ۆيرۋستىڭ تارالۋ ديناميكاسى ٶتە جوعارى, مەسەلەن, 25 ناۋرىز كٷنٸ 333 جاعداي انىقتالسا, 31 ناۋرىزدا ول 515-كە جەتتٸ», - دەيدٸ ول.
سونىمەن قاتار ول ۆيرۋستى كٸمدەر كٶپتەپ جۇقتىرىپ جاتقانىن ايتتى.
«كەشە ۆيرۋس انىقتالعانداردىڭ كٶپشٸلٸگٸ - جەكە كەسٸپكەرلٸكپەن اينالىساتىندار نەمەسە جاۋاپكەرشٸلٸگٸ شەكتەۋلٸ سەرٸكتەستٸكتە جۇمىس ٸستەيتٸندەر. سونداي-اق جۇمىسسىزدار دا بار. ۆيرۋستى نەگٸزٸنەن وسى ساناتتاعى ادامدار جۇقتىرىپ جاتىر», - دەدٸ ەپيدەميولوگ دەرٸگەر.
