قازٸر جٸتٸ رەسپيراتورلىق ۆيرۋستىق ينفەكتسييا تارايتىن كەزەڭ, سوعان بايلانىستى قالادا سىرقاتتانۋشىلار سانى كٶبەيدٸ. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ مٸندەتٸن اتقارۋشىنىڭ ورىنباسارى سەدۋاقاس بايعابىلوۆ ايتتى, دەپ حابارلايدى قازاقپارات.
ونىڭ ايتۋىنشا, وسى جىلدىڭ 1 قىركٷيەگٸنەن بەرٸ جرۆي-دٸڭ 114 679 جاعدايى تٸركەلدٸ, ٶتكەن جىلى 36 325 جاعداي بولعان.
«بيىل قالادا تۇماۋدىڭ H3N2 نۇسقاسى 48 ادامدا انىقتالدى. كٷزدە 174 373 ادام تۇماۋعا قارسى ۆاكتسينا سالدىردى. ونىڭ ٸشٸندە 161 495 ادام ەكپەنٸ بيۋدجەت ەسٸبٸنەن تەگٸن الدى», - دەيدٸ سەدۋاقاس بايعابىلوۆ.
سونىمەن قاتار, ول ٶتكەن اپتادا كوروناۆيرۋس جۇقتىرعانداردىڭ 75,7%-ى 20 جاستان اسقان تۇرعىندار ەكەنٸن جەتكٸزدٸ.
«ٶتكەن اپتادا مەكەمە جۇمىسشىلارى اراسىندا ۆيرۋستى جۇقتىرۋ جاعدايى ٶسكەن, مەسەلەن جشس, جك جۇمىسشىلارى اراسىندا جۇقتىرۋ 21 پايىزدان 25%-عا دەيٸن, زەينەتكەرلەر اراسىندا 20-دان 24 پايىزعا دەيٸن ٶستٸ. دەگەنمەن, ستۋدەنتتەر اراسىندا ۆيرۋستى جۇقتىرۋ 3%-دان 2,4%-عا دەيٸن تٶمەندەدٸ, ال وقۋشىلار اراسىندا 11-دەن 6%-عا ازايدى», -دەدٸ ول.
كوروناۆيرۋس جۇقتىرعان وقۋشىلاردىڭ 94 پايىزى ٸندەتتٸ سىنىپتان ەمەس, وتباسىندا جۇقتىرعانى بەلگٸلٸ بولدى.
