الماتىدا كوروناۆيرۋسقا قارسى ۆاكتسيناتسييا بٸرنەشە كٷنگە شەكتەلەدٸ. بۇل تۋرالى ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسىنىڭ باستىعى ناريمان تابىنباەۆ مەلٸم ەتتٸ, دەپ حابارلايدى قازاقپارات.
«ەكٸ كٷن ٸشٸندە الماتى قالاسىنىڭ 17 مىڭنان اسا تۇرعىنىنا ۆاكتسينا سالىندى. اۋرۋحانالاردان بٶلەك, Asia Park ساۋدا ويىن-ساۋىق ورتالىعى مەن رەسپۋبليكا سارايىندا ۆاكتسيناتسييا جٷرگٸزٸلدٸ. بٷگٸن كەم دەگەندە 10 000 ادامعا ۆاكتسينا سالىنادى دەپ ويلايمىن. 3-4 كٷندە ۆاكتسينانىڭ جاڭا پارتيياسى كەلەدٸ. جاڭا پارتييا جەتكٸزٸلگەنگە دەيٸن ۆاكتسيناتسييانى شەكتەۋ قاجەت بولادى. قالعانىن تەك دەنساۋلىق ساقتاۋ مينيسترلٸگٸ ۇسىنعان ادامدار كونتينگەنتٸنە سالۋعا تىرىسامىز. ەرتەڭ ەكپە جاسالادى, بٸراق سوڭعى ەكٸ كٷندەگٸدەي ەمەس, شەكتەۋلٸ مٶلشەردە», - دەدٸ ول.
ناريمان تابىنباەۆ الماتىلىقتاردى الاڭداماۋعا شاقىرىپ, سەۋٸردە ۆاكتسينا جەتكٸلٸكتٸ بولاتىنىن ايتتى.
«سەۋٸر ايىندا ۆاكتسينا جەتكٸلٸكتٸ بولادى دەپ ويلايمىن. بٸز ۆاكتسيناتسييانى تەك مەديتسينالىق مەكەمەلەردە عانا ەمەس, حالىقتى كەڭٸنەن قامتۋ ٷشٸن دايىندالعان ۆاكتسيناتسييا پۋنكتەرٸندە دە جاساۋ كەرەكتٸگٸن تٷسٸندٸك. بٸز ەرتەڭ ۆاكتسيناتسييا جاسايمىز, بٸراق شەكتەۋلٸ مٶلشەردە. وسى ەكٸ كٷندەگٸدەي اۋقىمدا ەمەس», - دەدٸ قالالىق قوعامدىق دەنساۋلىق ساقتاۋ باسقارماسىنىڭ باستىعى.
