الماتىدا 16 قاباتتى تۇرعىن ٷيدٸڭ 9-قاباتىنداعى پەتەردەن ٶرت شىعىپ, 127 ادام قاۋٸپسٸز جەرگە شىعارىلدى, دەپ حابارلايدى ult.kz.
تٶتەنشە جاعداي بوستاندىق اۋدانىنداعى اباي داڭعىلى بويىندا ورنالاسقان تۇرعىن ٷيدە بولعان. پەتەردە جيھاز ٶرتەنگەن.
وقيعا ورنىنا ٶرت سٶندٸرۋ بٶلٸمشەلەرٸ جوعارى شاقىرتۋ دەرەجەسٸمەن جٸبەرٸلگەن. قۇتقارۋشىلار كەلگەن كەزدە ٷيدٸڭ كٸرەبەرٸسٸن قويۋ تٷتٸن باسىپ قالعان.
تجم قىزمەتكەرلەرٸ دەرەۋ تۇرعىنداردى ەۆاكۋاتسييالاۋعا كٸرٸستٸ. وقيعا ورنىندا ٶرت سٶندٸرۋ جەدەل شتابى قۇرىلىپ, گاز-تٷتٸننەن قورعاۋ قىزمەتٸنٸڭ بۋىندارى قۇتقارۋ جەنە ەۆاكۋاتسييالاۋ جۇمىستارىنا جۇمىلدىرىلدى.
قۇتقارۋ جۇمىستارى كەزٸندە تٷتٸن باسقان اۋماقتان باسپالداق ارقىلى 42 ادام شىعارىلدى. تاعى 85 ادام قۇتقارۋ قالپاقتارىنىڭ كٶمەگٸمەن قاۋٸپسٸز جەرگە جەتكٸزٸلدٸ. ولاردىڭ اراسىندا 4 بالا بار.
ٶرت جەدەل تٷردە سٶندٸرٸلدٸ. زارداپ شەككەندەر تۋرالى اقپارات ناقتىلانۋدا.
