Almatyda 16 qabatty turǵyn úidiń 9-qabatyndaǵy páterden órt shyǵyp, 127 adam qaýipsiz jerge shyǵaryldy, dep habarlaidy ult.kz.
Tótenshe jaǵdai Bostandyq aýdanyndaǵy Abai dańǵyly boiynda ornalasqan turǵyn úide bolǵan. Páterde jihaz órtengen.
Oqiǵa ornyna órt sóndirý bólimsheleri joǵary shaqyrtý dárejesimen jiberilgen. Qutqarýshylar kelgen kezde úidiń kireberisin qoiý tútin basyp qalǵan.
TJM qyzmetkerleri dereý turǵyndardy evakýatsiialaýǵa kiristi. Oqiǵa ornynda órt sóndirý jedel shtaby qurylyp, gaz-tútinnen qorǵaý qyzmetiniń býyndary qutqarý jáne evakýatsiialaý jumystaryna jumyldyryldy.
Qutqarý jumystary kezinde tútin basqan aýmaqtan baspaldaq arqyly 42 adam shyǵaryldy. Taǵy 85 adam qutqarý qalpaqtarynyń kómegimen qaýipsiz jerge jetkizildi. Olardyń arasynda 4 bala bar.
Órt jedel túrde sóndirildi. Zardap shekkender týraly aqparat naqtylanýda.
