الماتىدا كٶپقاباتتى ٷيدٸڭ تەرەزەسٸنەن سەكٸرمەك بولعان ەيەل قۇتقارىلدى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ مەلٸمەتٸنشە, ٶزٸنە قول سالماق بولعان ەيەلدٸ قۇتقارۋ وپەراتسيياسى بوستاندىق اۋدانىندا ورنالاسقان «كەرەمەت» تۇرعىن ٷي كەشەنٸنٸڭ اۋماعىندا جٷرگٸزٸلدٸ.
«تاڭعى ساعات 6.40-تا وسى تۇرعىن ٷي كەشەنٸنٸڭ پەتەرلەرٸنٸڭ بٸرٸنەن شۋ شىققانى تۋرالى اقپارات تٷستٸ. بٸز اتالعان مەكەنجايعا ەرٸپتەسٸمٸز جالعاس بەكتۇروۆپەن «بۋران-153» ەكيپاجىنىڭ قۇرامىندا كەلدٸك. پەتەر سىرتتان جابىق بولدى. بٸراق ٸشتەن داۋىس ەستٸلدٸ», - دەيدٸ الماتى قالالىق پوليتسييا دەپارتامەنتٸ پاترۋلدٸك پوليتسييا پولكٸنٸڭ ينسپەكتورى مەدەت مۇساباەۆ.
پاترۋلدٸك پوليتسييا قىزمەتكەرلەرٸ جەرگٸلٸكتٸ تۇرعىنداردىڭ كٶمەگٸنە جٷگٸندٸ.
«تاڭەرتەڭگٸ ساعات 7:00-دە بٸز ۇيىقتاپ جاتقانبىز. بٸر ەيەلدٸڭ ايعالاعان داۋىسىن ەستٸدٸك, ول تەرەزەدەن سەكٸرمەك بولدى. پوليتسييا بٸزدٸڭ تەرەزە ارقىلى ٶزٸنە قول سالماق بولعان ەيەلدٸ قۇتقارىپ قالدى»,- دەيدٸ «كەرەمەت» تۇرعىن ٷي كەشەنٸنٸڭ تۇرعىنى.
پوليتسييا ينسپەكتورىنىڭ ايتۋىنشا, وقيعا ورنىنا پەتەر يەسٸ شاقىرىلدى.
«بٸز قوسىمشا كٸلتٸ بار پەتەر يەسٸن شاقىردىق. بٸراق ول كٸسٸ كەلگەنگە دەيٸن بويجەتكەن تٶرتٸنشٸ قاباتتاعى پەتەردٸڭ تەرەزەسٸنەن سەكٸرٸپ, ٶزٸنە قول جۇمساماق بولدى. ول سىرتاعى كونديتسيونەردٸڭ ٷستٸندە تۇردى. سۋيتسيدتٸڭ الدىن الۋ ٷشٸن بٸز بەسٸنشٸ قاباتتان ارقانمەن تٶمەن تٷسۋگە مەجبٷر بولدىق. وسىلايشا سۋيتسيدكە جول بەرٸلمەدٸ, - دەپ قورىتىندىلادى مەدەت مۇساباەۆ.
الدىن الا مەلٸمەتتەر بويىنشا, ٶزٸنە قول جۇمساماق بولعان ەيەل ماس بولعان.
وقيعانىڭ مەن-جايى تەرگەۋ بارىسىندا انىقتالادى.
