© Photo: قر تجم باسپاسٶز قىزمەتٸ
الماتىدا كٶپقاباتتى تۇرعىن ٷيدەن ٶرت شىقتى, دەپ حابارلايدى "ۇلت اقپارات".
وقيعانىڭ ۆيدەوسى ەلەۋمەتتٸك جەلٸدەگٸ پاراقشالاردا تاراپ جاتىر. ۆيدەودان ادامداردىڭ عيماراتتىڭ تەرەزەلەرٸنەن سەكٸرگەنٸن بايقاۋعا بولادى.
تٶتەنشە جاعدايلار دەپارتامەنتٸنٸڭ مەلٸمەتٸنشە, 1 تامىز ساعات 17:10-دا تجد كٷشتەرٸ مەن قۇرالدارى جوعارى دەرەجە بويىنشا الاتاۋ اۋدانىنىڭ اقكەنت شاعىن اۋدانى 54 ٷي مەكەنجايىنا جٸبەرٸلگەن.
"ٶرت سٶندٸرۋشٸلەر 6 مينۋتتا جەتٸپ, 16-قاباتتى ٷيدٸڭ 5-قاباتىنداعى كابەلدٸك شاحتادا ەلەكتر كابەلدەرٸ 80 شارشى مەتر الاڭدا اشىق جالىنمەن جانىپ جاتقانىن انىقتادى.
رايىمبەك داڭعىلىندا كٶلٸك كەپتەلٸسٸ بولعانىنا جەنە ٶرت سٶندٸرۋ تەحنيكاسىنىڭ كٸرەبەرٸسٸ تۇراقتا تۇرعان كٶلٸكتەرمەن شەكتەلگەنٸنە قاراماستان, العاشقى ٶرت ەسەپتەرٸ 6 مينۋتتا وقيعا ورنىندا بولدى. ٶرت سالدارىنان جوعارعى قاباتتاردا جەنە ەۆاكۋاتسييا جولدارىندا تىعىز تٷتٸن مەن جوعارى تەمپەراتۋرادان تۇرعىنداردىڭ دەنساۋلىعىنا قاۋٸپ تٶندٸ.
وقيعا ورنىندا شۇعىل گاز-تٷتٸننەن قورعاۋ قىزمەتٸنٸڭ جۇمىسى ۇيىمداستىرىلدى. 70 ادام قۇتقارىلدى, ونىڭ ٸشٸندە - 35 ادام قۇتقارۋ قالپاقتارى ارقىلى, قالعان تۇرعىندار ارنايى تەحنيكانىڭ كٶمەگٸمەن. سونداي-اق 300 ادام ەۆاكۋاتسييالاندى" - دەلٸنگەن حابارلامادا.
الدىن الا اقپارات بويىنشا 30 ادام مەديتسينالىق كٶمەككە جٷگٸنگەن. دەرٸگەرلەردٸڭ قاراۋىنان كەيٸن ودان ەرٸ اۋرۋحاناعا جاتقىزۋ تۋرالى شەشٸم قابىلدانعان.
"ٶرت ساعات 18:46-دا سٶندٸرٸلدٸ. سەبەبٸ انىقتالىپ جاتىر.
ٶرتتٸ سٶندٸرۋگە الماتى قالاسى تجد 50 قىزمەتكەرٸ مەن 14 بٸرلٸك تەحنيكا جۇمىلدىرىلدى" - دەلٸنگەن تجد حابارلاماسىندا.
ال الماتى دەنساۋلىق ساقتاۋ باسقارماسىنىڭ مەلٸمەتٸنشە, ساعات 18:30-داعى جاعداي بويىنشا الاتاۋ اۋدانى, اقكەنت شاعىن اۋدانى 54 ٷي مەكەنجايىندا بولعان ٶرت سالدارىنان قالا اۋرۋحانالارىنا 31 ادام جەتكٸزٸلگەن, ونىڭ 16-سى - بالا. زارداپ شەككەندەر اراسىندا قازا بولعاندار جوق. ناۋقاستاردىڭ دەنساۋلىق جاعدايى تۋرالى قوسىمشا حابارلانادى.
ۆيدەولار: kaskelenkz Instagram پاراقشاسى, shtor_kansha_almaty Instagram پاراقشاسى, Tengrinews.kz Telegram ارناسى, Sputnik قازاقستان Telegram ارناسى, Sulu Bolek Youtube ارناسى, M NEWS Youtube ارناسى
