الماتىدا 1-9 سىنىپتاردىڭ وقۋشىلارى ٷشٸن ساباقتار توقتاتىلادى, دەپ حابارلايدى "ۇلت اقپارات" قالالىق ەكٸمدٸكتٸڭ باسپاسٶز قىزمەتٸنە سٸلتەمە جاساي وتىرىپ.
«2018 جىلدىڭ 26 قاڭتارىندا اۋا تەمپەراتۋراسىنىڭ 25 گرادۋستان تٶمەن بولۋى سالدارىنان الماتى قالاسىنىڭ مەكتەپتەرٸنٸڭ 1-9 سىنىپتارىندا ساباقتار توقتاتىلادى», دەلٸنگەن بٸلٸم باسقارماسىنىڭ حابارلاماسىندا.
ايتا كەتەيٸك, بٷگٸن 25 قاڭتار كٷنٸ الماتىنىڭ بٸرقاتار مەكتەپتەرٸندە باستاۋىش سىنىپتاردىڭ ساباقتارى توقتاتىلعان بولاتىن. ولار: الاتاۋ اۋدانى «زاريا-ۆوستوك» ىقشام اۋدانىنداعى №150 مەكتەبٸ, بوستاندىق اۋدانى نۇرلىتاۋ ىقشام اۋدانىنداعى №190-شى جەنە «قازاقفيلم» ىقشام اۋدانىنداعى №88, №70 مەكتەپتەرٸ. سونىمەن قاتار, بٸلٸم باسقارماسىنىڭ شەشٸمٸمەن ناۋرىزباي اۋدانى قاراعايلى ىقشام اۋدانىنداعى №192 مەكتەپ پەن مەدەۋ اۋدانى الاتاۋ اۋىلىنداعى №7 مەكتەپتە باستاۋىش سىنىپتارى مەكتەپكە بارمادى.
لەززەت جىلقىباەۆانىڭ ايتۋىنشا, بۇل مەكتەپتەر الماتىنىڭ تاۋعا جاقىن ىقشام اۋداندارىندا ورنالاسقان. كەشە الماتى قالاسى بويىنشا تجد باسپاسٶز قىزمەتٸنٸڭ جەتەكشٸسٸ ساندۋعاش بايمۋحامبەتوۆا -25 گرادۋس ايازعا ەكپٸندٸ جەل قوسىلعاندا الماتى مەكتەپتەرٸندەگٸ باستاۋىش سىنىپتاردا ساباق توقتاتىلاتىنىن ەسكەرتكەن بولاتىن.
ەستەرٸڭٸزگە سالا كەتەيٸك, قازاقستاننىڭ بٸرنەشە وبلىسىندا بەيسەنبٸدە قاتتى ايازدان مەكتەپتەردە ساباق توقتاتىلىپ, جولداردا كٶلٸك قوزعالىسى شەكتەلدٸ. «قازاۆتوجول» رەسپۋبليكالىق مەكەمەسٸنٸڭ حابارلاۋىنشا, 24 قاڭتاردىڭ كەشٸنەن بەرٸ ايازدىڭ كٷشەيۋٸنە بايلانىستى سولتٷستٸك قازاقستان, پاۆلودار جەنە اقمولا وبلىستارىندا بارلىق باعىت بويىنشا جولداردا قوعامدىق كٶلٸكتەر مەن ديزەلمەن جٷرەتٸن كٶلٸكتەردٸڭ جٷرۋٸنە شەكتەۋ قويىلعان.
قوستاناي وبلىسىندا - قوستانايدى سولتٷستٸك قازاقستان جەنە اقمولا وبلىسىمەن بايلانىستىراتىن جولداردا, دەنيسوۆكا كەنتٸنەن رەسەي شەكاراسىنا دەيٸنگٸ جولدا جەنە رۋدنىي قالاسىن اقتٶبە وبلىسىمەن بايلانىستىراتىن جولدا قوعامدىق كٶلٸك پەن ديزەلدٸ كٶلٸكتەردٸڭ جولعا شىعۋىنا تىيىم سالىندى. اقتٶبە وبلىسىندا - ەمبٸ مەن شالقاردى بايلانىستىراتىن جولدا بارلىق كٶلٸك تٷرٸنٸڭ جٷرٸنە شەكتەۋ ەنگٸزٸلدٸ. شىعىس قازاقستان وبلىسىندا - سەمەيدەن پاۆلودار وبلىسىنىڭ شەكاراسىنا دەيٸنگٸ جولدا قوعادىق كٶلٸك پەن ديزەلدٸك كٶلٸكتەردٸڭ جٷرۋٸنە شەكتەۋ قويىلدى.
پاۆلودار وبلىستىق بٸلٸم باسقارماسىنىڭ حابارلاۋىنشا, 25 قاڭتاردا قاتتى ايازعا بايلانىستى مەكتەپتە بٸرٸنشٸ اۋىسىم وقۋشىلارىنا ساباق توقتاتىلدى. شىعىس قازاقستان وبلىسى بويىنشا ٶسكەمەندە, زىريان اۋدانىندا, سەمەي مەن ريددەر قالالارىندا مەكتەپتە ساباق بولمايدى.سولتٷستٸك قازاقستان وبلىسىنىڭ مەكتەپتەرٸندە دە ساباق توقتاتىلدى.
