الماتىدا ماس ەر ادام ازىق-تٷلٸك دٷكەنٸنە جٷگٸرٸپ كٸرٸپ, ساتۋشىلاردى پىشاقپەن ٷرەيلەندٸرٸپ, كەيٸن ٶز-ٶزٸنە قول جۇمسايمىن دەپ قورقىتتى, دەپ حابارلايدى قازاقپارات.
اتالعان وقيعا بەينە كامەراعا تٷسٸپ, ەلەۋمەتتٸك جەلٸدە جارييالاندى.
وقيعانىڭ كۋەگەرلەرٸ – «وربيتا» ىقشام اۋدانىنىڭ تۇرعىندارى «102» پۋلتٸنە قوڭىراۋ شالىپ, پوليتسييا قىزمەتكەرلەرٸن شاقىرعان.
«بۋران-125» پاترۋلدٸك ەكيپاجى وقيعا ورنىنا ٷش مينۋتتان كەيٸن جەتتٸ. ەر ادام شىنىمەن دە قارۋلى بولعان. وسى كەزدە دٷكەن ٸشٸندە بولعان ادامداردىڭ ٶمٸرٸنە قاۋٸپ تٶندٸرمەس ٷشٸن پوليتسييا قىزمەتكەرلەرٸ ٶتە مۇقييات ەرەكەت ەتتٸ. ماس ادامنىڭ نازارىن باسقا جاققا اۋدارىپ, ديالوگ قۇرىپ, وعان ٷنسٸز جاقىندادى. بٸر كەزدە ينسپەكتور قارۋلى ادامدى ۇستاپ الىپ, قولىنداعى پىشاعىن جۇلىپ ٷلگەرەدٸ. انىقتالعانداي, بۇل - الكوگولدٸك ٸشٸمدٸكتەردٸ اسىرا پايدالاناتىن ادام رەتٸندە پروفيلاكتيكالىق ەسەپتە تۇرعان 1978 جىلى تۋعان ب.ەسٸمدٸ جەرگٸلٸكتٸ تۇرعىن بولىپ شىقتى. ابىروي بولعاندا, ەشكٸم زارداپ شەككەن جوق», - دەدٸ بوستاندىق اۋداندىق پوليتسييا باسقارماسىنىڭ باستىعى, پوليتسييا پولكوۆنيگٸ دۋمان اۋحاديەۆ.
سپيكەردٸڭ ايتۋىنشا, ەر ادامدى مەديتسينالىق تەكسەرۋگە الىپ كەتتٸ. وقيعانىڭ مەن-جايى انىقتالۋدا. كەيٸن وقيعاعا قاتىسى بار ادامنىڭ ەرەكەتٸنە قۇقىقتىق باعا بەرٸلەتٸن بولادى.
