الماتىدا ۇرلانعان كٶلٸك قۇرالدارىن بٶلشەكتەپ ساتۋمەن اينالىسقان توپ ۇستالدى, دەپ حابارلايدى قازاقپارات.
قالالىق كريمينالدى پوليتسييا قىزمەتكەرلەرٸ اتالعان قىلمىسقا قاتىستى بۇرىن بۇزاقىلىق جاساعانى ٷشٸن سوتتالعان جامبىل وبلىسىنىڭ 26 جاستاعى تۇرعىنىن جەنە وسىعان دەيٸن ەكٸ رەت سوتتى بولعان 25 جاستاعى ەر ادامدى ۇستادى.
ولاردى قۇرىقتاماس بۇرىن تەرتٸپ ساقشىلارى كٷدٸكتٸلەردٸڭ ەرقايسىسىنىڭ اتقاراتىن قىلمىستىق ەرەكەتٸن ارنايى وپەراتسييا بارىسىندا زەردەلەپ, ۇرلانعان كٶلٸك قۇرالدارىن بٶلشەكتەپ ساتۋعا جاۋاپتى ادامدى انىقتادى.
«اتالعان قىلمىستىق توپ التى ادامنان قۇرالعان. ولاردىڭ ٷلكەندەرٸنٸڭ جاسى 47-دە بولسا, ەڭ جاس كٷدٸكتٸ 25-تە. بۇلاردىڭ بارلىعى وڭاي جولمەن پايدا تابۋدى كٶزدەگەن. دەلٸرەك ايتقاندا, ەكٸ كٷدٸكتٸ ٶزدەرٸن قالا بازارلارىنىڭ بٸرٸندە قوسالقى بٶلشەكتەر ساتۋمەن اينالىساتىن جەكە كەسٸپكەر رەتٸندە تانىستىرعان. الايدا ولاردىڭ ساۋدا نٷكتەلەرٸندە تەك قانا ۇرلانعان كٶلٸك قۇرالدارىنىڭ قوسالقى بٶلشەكتەرٸ عانا ساۋدالانعان», – دەدٸ الماتى قالاسى پد كريمينالدىق پوليتسييا باسقارماسىنىڭ باستىعى قۋاتبەك ناۋاتوۆ.
تەرگەۋ بارىسىندا كٷدٸكتٸلەردٸڭ 10 كٶلٸك قۇرالىن ۇرلاعانى بەلگٸلٸ بولدى. ولار كٶبٸنە ەسكٸ ٷلگٸدەگٸ BMW, Lada, Nissan, Audi, Volkswagen كٶلٸكتەرٸن قولدى ەتٸپ وتىرعان.
«قازٸرگٸ تاڭدا ٷش اۆتوكٶلٸك تولىعىمەن انىقتالسا, قالعان جەتٸ كٶلٸكتٸڭ قايدا جاسىرىلعانى انىقتالىپ جاتىر. ۇستالعانداردىڭ سٶزٸنشە, ولار كٶلٸكتەردٸ كٶرشٸلەس وبلىستارعا اپارىپ ٷلگەرگەن. كٷدٸكتٸلەر قاماۋعا الىندى. تەرگەۋ امالدارى جالعاسۋدا», – دەپ اتاپ ٶتتٸ پوليتسييا ٶكٸلٸ.
