الماتىدا ويىن بيزنەسٸنٸڭ كٶلەڭكەلٸ اينالىمىنان 77 كومپيۋتەر, 50 ويىن تەرمينالى تەركٸلەندٸ. بۇل تۋرالى الماتى قالالىق ەكونوميكالىق تەرگەۋ دەپارتامەنتٸ مەلٸم ەتتٸ, دەپ حابارلايدى "ۇلت اقپارات"
ٶتكەن اپتادا ەكونوميكالىق تەرگەۋ دەپارتامەنتٸ قىزمەتكەرلەرٸ 31 زاڭسىز ويىن نٷكتەسٸن جاپتى. كٶلەڭكەلٸ اينالىمنان 50 ويىن تەرمينالى, 77 كومپيۋتەر تەركٸلەندٸ.
ەۋەزوۆ اۋدانىندا اشىلعان كومپيۋتەرلٸك كلۋب شىن مەنٸندە ويىن تەرمينالدارى ورناتىلعان زاڭسىز ويىن بيزنەسٸنٸڭ ورداسى بولىپ شىقتى.
بۇل مەكەمە «قر ويىن بيزنەسٸ تۋرالى» زاڭناماسىنىڭ نورماسىنا قايشى جۇمىس جاساپ كەلگەن. كٶلەڭكەلٸ اينالىمنان 62 ويىن كومپيۋتەرٸ, 3 ويىن تەرمينالى, 70 000 تەڭگە كٶلەمٸندە اقشا الىندى.
«بۇل دەرەك بويىنشا قر قك 307-بابىنا سەيكەس سوتقا دەيٸنگٸ تەرگەۋ جۇمىستارى باستالدى. زاڭداعى تالاپقا قاراماستان كەسٸپكەرلەر, دٷكەن, عيمارات يەلەرٸ ويىن نٷكتەسٸن اشۋعا بٶلمەلەرٸن جالعا بەرۋدٸ توقتاتار ەمەس. بۇل حالىقتىڭ نارازىلىعىن تۋدىرىپ وتىر. سونىمەن قاتار, وسىنداي ەرەكەت ٷشٸن قىلمىستىق جاۋاپكەرشٸلٸك قاراستىرىلعان», - دەدٸ ەكونوميكالىق تەرگەۋ دەپارتامەنتٸنەن.
دەپارتامەنت ٶكٸلدەرٸ زاڭسىز ويىن بيزنەسٸن اشۋدىڭ كۋەسٸ بولعان ازاماتتارعا 8 (727) 279- 29-56 نٶمٸرلەرٸنە حابارلاسۋىن سۇرادى.
