فوتو: Tengrinews.kz/ەليحان ساريەۆ
الماتىدا كٶك بازاردىڭ 200-گە جۋىق ساتۋشىسى جالعا الىپ وتىرعان ورىندارىنىڭ ٷش ەسە قىمباتتاۋىنا بايلانىستى نارازىلىعىن بٸلدٸردٸ, - دەپ حابارلايدى Tengrinews.kz اگەنتتٸگٸ.
جالعا الىپ وتىرعان ساتۋشىلاردىڭ سٶزٸنشە, بۇعان دەيٸن ولار شارشى مەترٸنە بەس مىڭ تەڭگە تٶلەگەن بولسا, ەندٸ بۇل سوما 15 مىڭ تەڭگەگە كٶتەرٸلٸپ كەتكەن. بازار ەكٸمشٸلٸگٸ جاڭا ەرەجە 1 قاراشادان باستاپ كٷشٸنە ەنەتٸنٸن ايتىپتى-مىس.
"كەشە باسشىلىقتىڭ باعا كٶتەرٸلەتٸنٸ تۋرالى قاۋلىسى شىققانى حابارلاندى. ياعني ولار بٸزبەن كەزدەسپەدٸ, ونى تٶلەي الامىز با, ەلدە جوق پا اقىلداسقان دا جوق. ەرينە, تٶلەي المايمىز, سەبەبٸ بارلىق ساتۋشىنىڭ وتباسى بار, باسقا دا شىعىندارى بار. بۇرىن 100 مىڭ تٶلەپ جٷرسەك, ەندٸ 300 مىڭ تٶلەمەكپٸز. ال قازٸر ساۋدا ازايىپ كەتسە, ونداي سومانى قايدان الامىز? جاڭا باعا جالعا بەرۋ شارتتارىنا سەيكەس كەلمەيدٸ", - دەيدٸ ساتۋشىلاردىڭ بٸرٸ.
ول ٶزگە ەرٸپتەستەرٸمەن بٸرگە 3-4 جىل بۇرىن اشىلعان جاڭا پاۆيلوندا جۇمىس ٸستەيدٸ. ساتۋشىلاردىڭ سٶزٸنشە, بۇعان دەيٸن جالعا بەرۋ قۇنى ٶزگەرمەگەن.
ال بازار ەكٸمشٸلٸگٸ جالعا بەرۋ قۇنى ٶزگەرگەنٸ تۋرالى ەشقانداي حابارلاما بولماعانىن العا تارتتى. ولاردىڭ سٶزٸنشە, كٶك بازار بۇرىنعى باعا بويىنشا جۇمىس ٸستەپ تۇر.
"ەشكٸمگە جالعا بەرۋ قۇنى ٶستٸ دەگەن ەڭگٸمە ايتىلعان جوق. جۋرناليستەردٸ شاقىرىپ, جايدان-جاي مۇنداي نەرسە ۇيىمداستىرۋعا بولمايدى عوي. مەن ەشكٸمگە ول تۋرالى ايتقان ەمەسپٸن. جاڭا پاۆيلوندا ەكٸنشٸ قاباتىندا شارشى مەترٸ بەس مىڭ تەڭگەدەن. ال ەسكٸ پاۆيلوندا - 15 مىڭ تەڭگە. وسى باعا ساقتالادى. ەشكٸمگە قاعاز تٷرٸندە ەسكەرتۋ جاسالعان جوق", - دەيدٸ كٶك بازار ەكٸمشٸلٸگٸنٸڭ ٶكٸلٸ ستەللا كاراپەتيان.
