ۇلتتىق قاۋٸپسٸزدٸك كوميتەتٸ ەشكەرەلەپ, ۇستاعان زاڭسىز قارۋ-جاراق ساتقان قىلمىسكەرلەر سوتتالدى, دەپ حابارلايدى "ۇلت اقپارات" كوميتەتتٸڭ باسپاسٶز قىزمەتٸنە سٸلتەمە جاساپ.
ەسكە سالا كەتەيٸك, ٶتكەن جىلى ماۋسىمدا قر ۇلتتىق قاۋٸپسٸزدٸك كوميتەتٸ اتىس قارۋىن جەتكٸزۋمەن زاڭسىز اينالىسقان حالىقارالىق ارنانىڭ جولىن كەسكەن ەدٸ.
«زاڭسىز اينالىمنان 3 «كالاشنيكوۆ» اۆتوماتى, 3 گراناتااتقىش, 2 جاۋىنگەرلٸك گراناتا, 14 تاپانشا, 1700-دەن استام پاترون مەن قارۋدىڭ كەرەك-جاراعى الىندى. الماتى قالاسى مەن الماتى وبلىسىنىڭ 10 تۇرعىنى قىلمىستىق جاۋاپقا تارتىلدى. سوتقا دەيٸنگٸ تەرگەۋ بارىسىندا ٸشكٸ ٸستەر ورگاندارى قىزمەتكەرٸنٸڭ قىلمىسقا قاتىسى بارى انىقتالدى. لاۋازىمدى ادام قر ٸٸم تەڭگەرٸمٸندە تۇرعان وق-دەرٸنٸ ۇرلاپ كەلگەن» دەپ حابارلايدى كوميتەتتەن.
سونىمەن قاتار, قارۋ قۇراستىرۋ بويىنشا جاسىرىن شەبەرحانانىڭ ەرەكەتٸ توقتاتىلدى.
بيىلعى 27 قاڭتاردا الماتى قالاسى المالى اۋداندىق سوتىنىڭ ٷكٸمٸمەن ايىپتالۋشىلار ەرتٷرلٸ مەرزٸمگە باس بوستاندىعىنان ايىرىلدى.
