فوتو اشىق دەرەككٶزدەن الىندى
الماتى قالاسى بوستاندىق اۋدانىنىڭ №2 اۋداندىق سوتىندا ازاپتاۋ فاكتٸسٸ بويىنشا پوليتسييا قىزمەتكەرلەرٸنە قاتىستى قىلمىستىق ٸس قارالدى, دەپ حابارلايدى قازاقپارات اگەنتتٸگٸ.
سوت ٶتكەن جىلدىڭ قاڭتار ايىنداعى جاپپاي تەرتٸپسٸزدٸكتەر كەزٸندە اۆتوكٶلٸكتٸ زاڭسىز يەمدەندٸ دەگەن كٷدٸكتٸنٸڭ پوليتسييا بٶلٸمشەسٸنە جەتكٸزٸلگەنٸن انىقتادى.
وندا ەكٸ پوليتسييا قىزمەتكەرٸ كٷدٸكتٸنٸ تەرتٸپسٸزدٸكتەرگە قاتىستى دەپ ەسەپتەپ, زارداپ شەككەن ەرٸپتەستەرٸ ٷشٸن كەك الامىز دەگەن ماقساتپەن وعان فيزيكالىق قىسىم كٶرسەتٸپ, كٷش قولدانىپ, ازاپتاعان.
سوتتا حابارلاعانداي, اتالمىش ەرەكەتتەر ٷشٸن قىلمىستىق كودەكستە بەلگٸلٸ بٸر لاۋازىمداردى اتقارۋ قۇقىعىنان ايىرا وتىرىپ, 3 جىلدان 7 جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلعان.
سونداي-اق ٷش پوليتسييا قىزمەتكەرٸ قىلمىستىق قۇقىقبۇزۋشىلىق جاساعانىن باسشىلىقتان جاسىرعان.
قىلمىستىق كودەكستە قۇقىق قورعاۋ ورگانىنىڭ قىزمەتكەرٸ بولا وتىرىپ, قىزمەتتە ەرەكەتسٸزدٸك جاساعانى ٷشٸن ٷش جىلعا دەيٸن باس بوستاندىعىنان ايىرۋ جازاسى كٶزدەلگەن.
سوت سوتتالۋشىنىڭ بٸرٸنە جازا تاعايىنداۋ كەزٸندە مٷلٸكتٸك زالالدى جەنە مورالدىق زيياندى ەرٸكتٸ تٷردە ٶتەۋٸن جازانى جەڭٸلدەتەتٸن مەن-جايلار دەپ تانىدى. ال تٶتەنشە جاعدايدا قىلمىستىق قۇقىقبۇزۋشىلىق جاساۋىن جەنە ونىڭ بەرگەن انتىن بۇزۋىن جازانى اۋىرلاتاتىن مەن-جايلار رەتٸندە تانىدى.
ەكٸنشٸ سوتتالۋشىعا جازا تاعايىنداۋ كەزٸندە جاس بالالارىنىڭ بولۋىن, مٷلٸكتٸك زالال مەن مورالدىق زيياندى ٶتەۋٸن جازانى جەڭٸلدەتەتٸن مەن-جايلار رەتٸندە قاراستىرسا, تٶتەنشە جاعدايدا قىلمىستىق قۇقىقبۇزۋشىلىق جاساعانى جەنە ونىڭ بەرگەن انتىن بۇزعان ەرەكەتتەرٸن جازانى اۋىرلاتاتىن مەن-جايلار رەتٸندە ەسكەردٸ.
ٷشٸنشٸ سوتتالۋشىعا جازا تاعايىنداۋ كەزٸندە تٶتەنشە جاعدايدا قىلمىستىق قۇقىقبۇزۋشىلىق جاساعانى جەنە انتىن بۇزعان ەرەكەتتەرٸن جازانى اۋىرلاتاتىن مەن-جايلار رەتٸندە تانىدى.
«سوت ٷكٸمٸمەن ەكٸ سوتتالۋشى قىلمىستىق كودەكستٸڭ 1-تارماعىنىڭ 146-بابى 2-بٶلٸگٸ بويىنشا كٸنەلٸ دەپ تانىلىپ, ٷش جىل مەرزٸمگە مەملەكەتتٸك قىزمەتتە قىزمەت اتقارۋ قۇقىعى شەكتەلە وتىرىپ, ٷش جىل مەرزٸمگە باس بوستاندىعىنان ايىرۋ جازاسى تاعايىندالدى. ٷشٸنشٸ سوتتالۋشى قك-نٸڭ 370-بابىنىڭ 2-1-بٶلٸگٸ بويىنشا كٸنەلٸ دەپ تانىلىپ, مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرىلدى. سونداي-اق, وعان 1 جىل 6 اي مەرزٸمگە باس بوستاندىعىن شەكتەۋ تٷرٸندەگٸ جازا تاعايىندالدى. ٷكٸم زاڭدى كٷشٸنە ەنگەن جوق», - دەپ حابارلادى الماتى قالالىق سوتىنىڭ باسپاسٶز قىزمەتٸندە.
