الماتىدا قاڭتار وقيعاسى كەزٸندە ۇرلىق جاساعان سوتتالۋشىعا باس بوستاندىعىن شەكتەۋ جازاسى تاعايىندالىپ, سوت زالىنان بوساتىلدى, دەپ حابارلايدى قازاقپارات.
الماتى قالالىق سوتىنىڭ باسپاسٶز قىزمەتٸ حابارلاعانداي, قاڭتار ايىنىڭ 6-سىنان 7-سٸنە قاراعان تٷنٸ قاراعاندىلىق 23 جاسار ازامات Maxima ويىن-ساۋىق كەشەنٸنٸڭ جانىنان ٶتٸپ بارا جاتقاندا, تەرەزەلەرٸنٸڭ سىنعانىن كٶرگەن.
«سوتتالۋشى كەشەننٸڭ ٸشٸنە كٸرٸپ, ەكٸنشٸ قاباتتاعى Prato دٷكەنٸنەن قۇنى 33 333 تەڭگەلٸك Iphone-6 ماركالى ۇيالى تەلەفونىن, كەيٸن Monamie دٷكەنٸنەن قۇنى 30 351 تەڭگە Dior يٸس سۋىنىڭ ەكٸ قۇتىسىن ۇرلاعان. سوتپەن بۇل ەرەكەتتەر قىلمىستىق كودەكستٸڭ 188-بابى, 3-بٶلٸگٸنٸڭ 2, 3-تارماقتارى بويىنشا ۇرلىق, ياعني, قويماعا زاڭسىز كٸرۋ ارقىلى بٸرنەشە رەت جاسالعان بٶتەننٸڭ مٷلكٸن جىمقىرۋ دەپ تانىلدى.
سوتتالۋشى ٶز كٸنەسٸن مويىنداپ, باسقا ادامداردىڭ دٷكەندەردەن زات الىپ جاتقانىن كٶرگەن سوڭ ٶزٸ دە كٸرٸپ, تاۋاردى ۇرلاعانىن العا تارتتى. ال قىلمىستىق كودەكستٸڭ 188-بابى, 3-بٶلٸگٸنٸڭ 2, 3-تارماقتارى بويىنشا ەكٸ جىلدان جەتi جىلعا دەيiنگi مەرزiمگە باس بوستاندىعىن شەكتەۋگە, نە سول مەرزٸمگە باس بوستاندىعىنان ايىرۋ جازاسى قاراستىرىلعان. سوت ونىڭ جاستىعىن, كٸنەسٸن مويىنداعانىن, شىن نيەتپەن ٶكٸنگەنٸن جەنە بٸرٸنشٸ سوتتىلىعىن ەسكەرە وتىرىپ, مينيمالدى ەكٸ جىل مەرزٸمگە باس بوستاندىعىن شەكتەۋ جازاسىن تاعايىندادى», - دەلٸنەدٸ قالالىق سوتتىڭ تاراتقان حابارلاماسىندا.
سوتتالۋشى ازامات سوت زالىندا قاماۋدان بوساتىلدى. ونىڭ كٷزەتپەن ۇستالعان ۋاقىتىنىڭ بٸر كٷنٸ باس بوستاندىعىن شەكتەۋ تٷرٸندەگٸ جازانى ٶتەۋدٸڭ ەكٸ كٷنٸ ەسەبٸمەن ەسەپكە جاتقىزىلدى. ٷكٸم زاڭدى كٷشٸنە ەنگەن جوق.
