2026 جىلعى 3–10 تامىز ارالىعىندا الماتىدا ستۋدەنتتەر اراسىنداعى كوماندالىق شاحماتتان ەلەم چەمپيوناتىنىڭ فينالى – FIDE World University Team Chess Championship ٶتەدٸ. تۋرنيرگە ەلەمنٸڭ جەتەكشٸ ۋنيۆەرسيتەتتەرٸنٸڭ ٷزدٸك كوماندالارى قاتىسادى, دەپ حابارلايدى ult.kz.
فينالدىق كەزەڭدە چەمپيوندىق ٷشٸن گارۆارد, وكسفورد, كەمبريدج جەنە پەكين ۋنيۆەرسيتەتتەرٸ ارنايى شاقىرتۋمەن (wild card) باق سىنايدى. سونىمەن قاتار ٸرٸكتەۋ كەزەڭٸنەن ٶتكەن سەنت-لۋيس ۋنيۆەرسيتەتٸ, داللاستاعى تەحاس ۋنيۆەرسيتەتٸ, ۆەبستەر ۋنيۆەرسيتەتٸ, ورال تاۋ-كەن ۋنيۆەرسيتەتٸ, افينى ۇلتتىق تەحنيكالىق ۋنيۆەرسيتەتٸ, چيلي ۋنيۆەرسيتەتٸ جەنە گۋنادارما ۋنيۆەرسيتەتٸنٸڭ كوماندالارى دا قاتىسادى.
قازاقستان اتىنان جارىسقا ەل-فارابي اتىنداعى قازاق ۇلتتىق ۋنيۆەرسيتەتٸ مەن wild card يەگەرٸ – قازاق ۇلتتىق سپورت ۋنيۆەرسيتەتٸ قاتىسادى. تاعى ٷش ارنايى شاقىرتۋ يەسٸنٸڭ ەسٸمٸ كەيٸنٸرەك بەلگٸلٸ بولادى.
ۇيىمداستىرۋشىلاردىڭ ايتۋىنشا, ەلەمدٸك دەڭگەيدەگٸ بۇل دودا قازاقستاننىڭ حالىقارالىق بەدەلٸن ارتتىرىپ قانا قويماي, جاستار جەنە ٸسكەرلٸك تۋريزمنٸڭ دامۋىنا دا تىڭ سەرپٸن بەرەدٸ. الماتىعا ەلەمنٸڭ تٷكپٸر-تٷكپٸرٸنەن جٷزدەگەن شاحماتشى, وقىتۋشى جەنە جانكٷيەر كەلٸپ, ەلٸمٸزدٸڭ مەدەنيەتٸمەن, تابيعاتىمەن جەنە قوناقجايلىعىمەن تانىسۋعا مٷمكٸندٸك الادى.
