2026 jylǵy 3–10 tamyz aralyǵynda Almatyda stýdentter arasyndaǵy komandalyq shahmattan álem chempionatynyń finaly – FIDE World University Team Chess Championship ótedi. Týrnirge álemniń jetekshi ýniversitetteriniń úzdik komandalary qatysady, dep habarlaidy ult.kz.
Finaldyq kezeńde chempiondyq úshin Garvard, Oksford, Kembridj jáne Pekin ýniversitetteri arnaiy shaqyrtýmen (wild card) baq synaidy. Sonymen qatar irikteý kezeńinen ótken Sent-Lýis ýniversiteti, Dallastaǵy Tehas ýniversiteti, Vebster ýniversiteti, Oral taý-ken ýniversiteti, Afiny ulttyq tehnikalyq ýniversiteti, Chili ýniversiteti jáne Gýnadarma ýniversitetiniń komandalary da qatysady.
Qazaqstan atynan jarysqa ál-Farabi atyndaǵy Qazaq ulttyq ýniversiteti men wild card iegeri – Qazaq ulttyq sport ýniversiteti qatysady. Taǵy úsh arnaiy shaqyrtý iesiniń esimi keiinirek belgili bolady.
Uiymdastyrýshylardyń aitýynsha, álemdik deńgeidegi bul doda Qazaqstannyń halyqaralyq bedelin arttyryp qana qoimai, jastar jáne iskerlik týrizmniń damýyna da tyń serpin beredi. Almatyǵa álemniń túkpir-túkpirinen júzdegen shahmatshy, oqytýshy jáne jankúier kelip, elimizdiń mádenietimen, tabiǵatymen jáne qonaqjailyǵymen tanysýǵa múmkindik alady.
