الماتىدا قايرات شاعىن اۋدانىندا بولعان الاپات ٶرتتە «فۋدماستەر» كومپانيياسىنىڭ 3 كٷندٸك ٶنٸمٸ ٶرتەنٸپ كەتتٸ, دەپ حابارلايدى قازاقپارات تٸلشٸسٸ.
سٷت ٶندٸرۋ كومپانيياسى ٶكٸلٸ ايدا ساپارعازينوۆانىڭ ايتۋىنشا, تٸلسٸز جاۋ قالاداعى نٷكتەلەرگە جەتكٸزٸلۋٸ تيٸس 3 كٷندٸك ٶنٸمدٸ زىم-زييا ەتتٸ.
«سٷت ٶنٸمدەرٸ تٷگەل جانىپ كەتتٸ دەسەك بولادى. قازٸر شىعىن كٶلەمٸن ەسەپتەپ جاتىرمىز. ٷش كٷن شاماسىندا تاۋارلارىمىزدىڭ جەتكٸزۋ كەستەسٸ بۇزىلادى. بٸراق, كومپانييا باسقا زاۋىتتارعا جٷكتەمەنٸ ۇلعايتپاق. وسى ارقىلى كومپانييا دٷكەن سٶرەلەرٸنە جەتكٸزٸلەتٸن ٶنٸمدٸ قامتاماسىز ەتپەك», - دەدٸ «فۋدماستەر» اق باسقارما تٶرايىمى ايدا ساپارعازينوۆا.
سونىمەن قاتار, كومپانييا ٶكٸلدەرٸ تٶتەنشە جاعدايدىڭ تۇتىنۋشىلارعا ەسەرٸ بولمايى دەپ سەندٸردٸ.
قويما كەشەنٸنٸڭ ديرەكتورى ولەگ چارليننٸڭ ايتۋىنشا, قويمالاردىڭ بٸرٸندە دەنەكەرلەۋ جۇمىستارى جٷرگەن. الدىن الا اقپارات بويىنشا ٶرت 7-قويمادان باستالعان.
«سول جەردە ٶندٸرٸس ورنى بولعان. تٷنگٸ ۋاقىتتا دەنەكەرلەۋ جۇمىستارى جٷرگٸزٸلدٸ مە جوق پا سونى انىقتاپ جاتىرمىز. مۇندا ٶرت دابىلى, ٶرت سٶندٸرۋ جٷيەسٸ جۇمىس جاسايدى. كەسٸپكەرلەردٸڭ قاۋٸپسٸزدٸگٸ ٷشٸن بارلىق شارالار قابىلدانعان», - دەدٸ قويما كەشەنٸنٸڭ ديرەكتورى.
ەسكە سالا كەتسەك, تٶتەنشە جاعداي بٷگٸن تاڭعا جۋىق بولعان. ٶرتتەن ەشكٸم زارداپ شەكپەدٸ.
