الماتىدا مۇحتار ەۋەزوۆ اتىنداعى قازاق مەملەكەتتٸك دراما تەاترىندا «فاريزا» سپەكتاكلٸنٸڭ پرەمەراسى ٶتتٸ, دەپ حابارلايدى "ۇلت اقپارات" «حابار 24» تەلەارناسىنا سٸلتەمە جاساپ.
پوەزييا پاديشاسى فاريزا وڭعارسىنوۆاعا ارنالعان قويىلىم زاماناۋي تەحنيكانىڭ كٶمەگٸمەن ساحنالاندى. سىرشىل دا شىنشىل اقىنىن ساعىنعان جۇرت قويىلىمنان ٷلكەن ەسەرمەن شىقتى.
يدەيا اۆتورى اينۇر كٶپباساروۆانىڭ ايتۋىنشا, جىر ەلەمٸندە ٶزٸندٸك قولتاڭباسىمەن ەرەكشەلەنگەن اقىندى ساحنالاۋ تۋرالى وي ٷش جىل بۇرىن تۋعان.
«فاريزا وڭعارسىنوۆا قانشالىقتى جۇمباق ادام بولسا, بۇل قويىلىمنىڭ ٶزٸ سونشالىقتى ميستيكاعا تولى. ٶيتكەنٸ فاريزانىڭ جۇمباق دٷنيەسٸن اشۋ - بٸر تىلسىم كٷش. ول ٶز ٸشكٸ دراماسىن تراگەديياسىن پوەزيياعا, پوەزيياسىن فيلوسوفيياعا اينالدىرعان دارا اقىن», - دەيدٸ ول.
قويىلىمدا زاماناۋي تەحنولوگييا قولدانىلعان. ايتىلار وي مەن سٶزگە ساي ساحنالىق بەزەندٸرۋ جەنە كومپوزيتور رەنات گايسين جازعان مۋزىكا كٶپشٸلٸك كٶڭٸلٸن دٶپ باسقانداي. پروديۋسەرلٸك ورتالىقتىڭ تاپسىرىسىمەن پەسانى دراماتۋرگ روزا مۇقانوۆا جازىپ شىققان. ال باستى كەيٸپكەر - فاريزا رٶلٸن ەۋەزوۆ تەاترىنىڭ اكتريساسى نازگٷل قارابالينا وينادى.
قويىلىمنىڭ رەجيسسەرٸ فارحات مولداعاليەۆ اتاپ ٶتكەندەي, اكتەرلار كەيٸپكەرلەردٸڭ پورترەتتٸك بەينەسٸن ەمەس, ٸشكٸ جان دٷنيەسٸن اشۋعا تىرىسقان.
«سپەكتاكلدٸڭ ەڭ بٸرٸنشٸ ەرەكشەلٸگٸ, بۇل قازاقستاندا بولماعان جاعداي - بەس تەاتردىڭ باسىن قۇراپ وتىرعان سپەكتاكل. بۇل جەردە جاڭا تەحنولوگييالاردى قولداندىق, جاڭا, باسقاشا دىبىس شىعاراتىن تەحنيكالىق جاعىنان دا ٶتە جاقسى جابدىقتالعان سپەكتاكل», - دەيدٸ فارحات مولداعاليەۆ.
سپەكتاكل العاشقى قويىلىمىنان-اق كٶرەرمەننٸڭ كٶڭٸلٸنەن شىقتى. «فاريزا» ەندٸ قازان ايىندا مەسكەۋدە ساحنالانادى.
