فوتو: Polisia.kz
الماتىدا جاڭا تۋعان سەبيٸن 2 ميلليون تەڭگەگە ساتپاق بولعان ەرلٸ-زايىپتى ۇستالدى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
پورتال مەلٸمەتٸنشە, المالى اۋدانىندا ارنايى ٸس-شارانى ۇيىمداسقان قىلمىسقا قارسى كٷرەس باسقارماسىنىڭ جەدەل ۋەكٸلدەرٸ مەن پوليتسييانىڭ ارنايى جاساعى بٸرلەسٸپ جٷرگٸزگەن. ٷيلەستٸرۋدٸ الماتى قالاسىنىڭ پروكۋراتۋراسى جٷزەگە اسىرعان.
"1998 جىلى تۋعان ب. ەسٸمدٸ ەيەل مەن ونىڭ كٷيەۋٸ 1991 جىلى تۋعان ب. ەسٸمدٸ ەر ادام ۇستالدى. بٸرنەشە ساعات بۇرىن ەيەل پەرزەنتحانادان شىققان. شىعا سالاسىمەن ولار نەرەستەنٸ 2 ميلليون تەڭگەگە باعالاپ, ساتپاق بولعان. ايتا كەتۋ كەرەك, ەرلٸ-زايىپتى بالا دٷنيەگە كەلمەي تۇرىپ, "ەلەۋەتتٸ اتا-انانى" الدىن الا ٸزدەگەن. جاڭا تۋعان نەرەستەنٸ ساتۋدان تٷسكەن اقشا ايىپتالۋشىلاردى ۇستاۋ كەزٸندە تەركٸلەندٸ.
ٸس سوتالدى تەرگەۋدٸڭ بٸرىڭعاي تٸزٸلٸمٸندە قر قك-نٸڭ 135 بابى 2 بٶلٸگٸ (كەمەلەتكە تولماعاندار ساۋداسى) بويىنشا تٸركەلگەن قىلمىستىق ٸس ماتەريالدارىنا قوسىلدى. قىلمىستىق ٸس اياسىندا جەدەل-تەرگەۋ شارالارى جٷرگٸزٸلٸپ جاتىر", – دەدٸ, الماتى قالالىق پد ۇيىمداسقان قىلمىسقا قارسى كٷرەس باسقارماسىنىڭ باستىعى جانات نۇرعاليەۆ.
ەرلٸ-زايىپتىلاردىڭ ەكٸ بالاسى بار ەكەندٸگٸ انىقتالعان. ولار اۋىر قىلمىس بويىنشا ٶز كٸنەلارىن تولىقتاي مويىنداعان.
