Foto: Polisia.kz
Almatyda jańa týǵan sábiin 2 million teńgege satpaq bolǵan erli-zaiypty ustaldy, - dep habarlaidy "Ult aqparat" Polisia.kz saityna silteme jasap.
Portal málimetinshe, Almaly aýdanynda arnaiy is-sharany uiymdasqan qylmysqa qarsy kúres basqarmasynyń jedel ýákilderi men politsiianyń arnaiy jasaǵy birlesip júrgizgen. Úilestirýdi Almaty qalasynyń prokýratýrasy júzege asyrǵan.
"1998 jyly týǵan B. esimdi áiel men onyń kúieýi 1991 jyly týǵan B. esimdi er adam ustaldy. Birneshe saǵat buryn áiel perzenthanadan shyqqan. Shyǵa salasymen olar náresteni 2 million teńgege baǵalap, satpaq bolǵan. Aita ketý kerek, erli-zaiypty bala dúniege kelmei turyp, "áleýetti ata-anany" aldyn ala izdegen. Jańa týǵan náresteni satýdan túsken aqsha aiyptalýshylardy ustaý kezinde tárkilendi.
Is sotaldy tergeýdiń biryńǵai tiziliminde QR QK-niń 135 baby 2 bóligi (Kámeletke tolmaǵandar saýdasy) boiynsha tirkelgen qylmystyq is materialdaryna qosyldy. Qylmystyq is aiasynda jedel-tergeý sharalary júrgizilip jatyr", – dedi, Almaty qalalyq PD uiymdasqan qylmysqa qarsy kúres basqarmasynyń bastyǵy Janat Nurǵaliev.
Erli-zaiyptylardyń eki balasy bar ekendigi anyqtalǵan. Olar aýyr qylmys boiynsha óz kinálaryn tolyqtai moiyndaǵan.
