الماتىدا ەپيدەميولوگييالىق جاعداي ەلٸ دە كٷردەلٸ. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين مەلٸم ەتتٸ, دەپ حابارلايدى "ۇلت اقپارات".
«الماتى قالاسىندا كوروناۆيرۋس بويىنشا ەپيدەميولوگييالىق جاعداي ەلٸ دە كٷردەلٸ. تەۋلٸگٸنە 1500-دەن استام جاعداي تۇراقتى تٷردە تٸركەلٸپ وتىر. بۇل جاعداي 28 شٸلدەدەن باستاپ جالعاسىپ كەلەدٸ. تامىز ايىنان بٷگٸنگٸ كٷنگە دەيٸن 24,3 مىڭ جاعداي, جىل باسىنان بەرٸ 105,6 مىڭ جاعداي تٸركەلدٸ», - دەيدٸ ول.
ونىڭ ايتۋىنشا, ٶتكەن اپتادا كوروناۆيرۋس جۇقتىرعاندار سانى سەل تٶمەندەدٸ.
«تەۋلٸكتٸك ٶسٸم تامىزدىڭ العاشقى كٷندەرٸندەگٸ 1,5%-دان بٷگٸنگٸ كٷنگە 1,22%-عا دەيٸن تٶمەندەدٸ. دەسەكتە, سوڭعى اپتاداعى «سيمپتومدىق» ناۋقاستاردىڭ سالىستىرمالى سالماعى الدىڭعى اپتامەن سالىستىرعاندا 93%-دان 94%-عا دەيٸن ارتتى, بۇل اينالىمداعى COVID-19 نۇسقاسىنىڭ جوعارى پاتوگەندٸلٸگٸن كٶرسەتەدٸ», - دەيدٸ جانداربەك بەكشين.
سونىمەن قاتار, ول الماتى قالاسىنداعى ەپيدەميولوگييالىق جاعداي كونتاگيوزدى مۋتاتسييالانعان «دەلتا» شتامىنىڭ تارالۋىنا بايلانىستى كٷردەلەنە تٷسكەنٸن اتاپ ٶتتٸ.
