الماتىدا ەكٸنشٸ حالىقارالىق جازۋشىلار فورۋمى باستالدى. فورۋمدا ساراپشىلار كٶركەم ەدەبي اۋدارمالار مەن جازۋشىلاردىڭ بايلانىسى جٶنٸندەگٸ پروبلەمالاردى تالقىلادى, دەپ حابارلايدى قازاقپارات.
حالىقارالىق شاراعا 18 مەملەكەتتەن 81 دەلەگات قاتىسۋدا. فرانتسييا, گەرمانييا, اقش, انگلييا, تٷركييا, قىتاي, موڭعولييا, رەسەي, ماروككو, ليتۆا, ٶزبەكستان, ەزەربايجان, قىرعىزستان جەنە باسقا دا ەلدەردەن كەلگەن جازۋشىلار, پۋبليتسيستەر, اۋدارماشىلار, ەدەبي سىنشىلار, سۋرەتشٸلەر كٶركەم ەدەبي اۋدارماداعى پروبلەمالاردى كٶتەردٸ.
«وسى فورۋمدا بٸز ٶتە ماڭىزدى تاقىرىپتى قوزعايمىز. ياعني كٶركەم اۋدارماعا ارنايمىز. جازۋشىلاردىڭ بارلىعى دەرلٸك كٷندەردٸڭ كٷنٸندە اۋدارما پروبلەماسىنا بەتبە-بەت كەلەرٸ انىق. جازۋشىلار ۇلتتىق ەدەبيەتتٸ جاساسا, اۋدارماشىلار ەلەمدٸك ەدەبيەتتٸ جاسايدى دەپ بەكەر ايتىلماعان»,-دەدٸ قازاق پەن-كلۋبىنىڭ پرەزيدەنتٸ بيگەلدٸ عابدۋللين.
القالى فورۋمنىڭ جۇمىسى مەملەكەتتٸك «رۋحاني جاڭعىرۋ» باعدارلاماسىن جٷزەگە اسىرۋعا باعىتتالعان. قازاق پەن-كلۋبىنىڭ پرەزيدەنتٸ بيگەلدٸ عابدۋلليننٸڭ پٸكٸرٸنشە, ۇلتتىق ەدەبيەتتٸ جاڭعىرتۋ ٷشٸن الدىمەن حالىقارالىق بايلانىستار ورناتۋ قاجەت. فورۋم تاقىرىبىنىڭ «ەلەمدٸ اشۋ – ەلەمگە اشىلۋ. «كٶركەم ەدەبي اۋدارمالار مەن جازۋشىلار بايلانىسىنىڭ پروبلەمالارى», - دەپ اتالۋى دا سوندىقتان.
«سسسر كٷيرەگەن سوڭ بٷكٸل ەلەمدە سوۆەت حالقىنىڭ مەدەنيەتٸنە دەگەن قىزىعۋشىلىق كٷرت قۇلدىرادى. سوڭعى 25 جىلدا بٸزدٸڭ ەكٸ-ٷش ەدەبيەتشٸدەن ٶزگە بٸردە-بٸر تانىمال قازاق جازۋشىسى ەلەمدٸك دەڭگەيدەن كٶرٸنە المادى, ٶيتكەنٸ ٶزگە تٸلگە اۋدارىلعان شىعارماسى جوق», - دەدٸ ول.
فورۋمعا قاتىسۋشىلار, بۇل حالىقارالىق شارا جازۋشىلاردى جاقىنداستىرىپ, ولاردىڭ كەسٸبي قىزىعۋشىلىعىن ارتتىرىپ, ٶزگە ەلدەردٸڭ زاماناۋي ەدەبيەتٸن بٸلۋگە, اۋدارماشىلار مەن ەرٸپتەستەر تابۋىنا ىقپال ەتەتٸنٸنە سەنٸمدٸ.
