فوتو: istockphoto.com
الماتى پوليتسيياسى كەمەلەتكە تولماعان ەكٸ جاسٶسپٸرٸم قازا تاپقان جاپپاي تٶبەلەسكە قاتىستى تەرگەۋ دەرەكتەرٸن جارييالادى. كٸسٸ ٶلتٸرۋ كٷدٸگٸمەن ٷش ادام قاماۋعا الىندى, دەپ حابارلايدى Ult.kz.
قايعىلى وقيعا 30 سەۋٸرگە قاراعان تٷنٸ بولعان. الدىمەن كومپيۋتەر كلۋبىندا باستالعان جانجال كٶشەدە جاپپاي تٶبەلەسكە ۇلاسقان. سونىڭ سالدارىنان 17 جاستاعى ەكٸ جاسٶسپٸرٸم پىشاق جاراقاتىن الىپ, اۋىر حالدە اۋرۋحاناعا جەتكٸزٸلگەنٸمەن, دەرٸگەرلەر ولاردىڭ ٶمٸرٸن ساقتاپ قالا المادى.
قازا تاپقانداردىڭ تۋىستارىنىڭ ايتۋىنشا, جارالانعانداردىڭ بٸرٸ الدىمەن پوليتسييا بٶلٸمشەسٸنە جەتكٸزٸلٸپ, مەديتسينالىق كٶمەك كەش كٶرسەتٸلگەن. الايدا پوليتسييا بۇل دەرەكتەردٸ جوققا شىعارعان.
الماتى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك تٶبەلەسكە شامامەن 12 ادام قاتىسۋى مٷمكٸن ەكەنٸن ايتتى. ونىڭ سٶزٸنشە, ٷش كٷدٸكتٸگە “كٸسٸ ٶلتٸرۋ” بابى بويىنشا ايىپ تاعىلىپ, ولار قاماۋعا الىنعان. قالعان قاتىسۋشىلارعا “بۇزاقىلىق” بابى بويىنشا ٸس قوزعالعان.
“وقيعانىڭ بارلىق حرونولوگيياسى بەينەباقىلاۋ ارقىلى تولىق قالپىنا كەلتٸرٸلدٸ. 103 قىزمەتٸنە شاقىرتۋ تٷسكەن سەتتەن باستاپ, جەدەل جەردەمنٸڭ كەلۋٸ مەن اۋرۋحاناعا جەتكٸزٸلۋ ۋاقىتىنا دەيٸن مينۋتىنا دەيٸن بەلگٸلٸ. اۋرۋحاناعا جەتكٸزۋ ۋاقىتى شامامەن 5–6 مينۋتتى قۇراعان”, – دەدٸ سالتانات ەزٸربەك.
تەرگەۋ جالعاسىپ جاتىر.
