قالا ەكٸمٸ باقىتجان ساعىنتاەۆ بٸلٸم بەرۋ سالاسى قىزمەتكەرلەرٸنٸڭ فورۋمىندا بالالاردىڭ ساپالى بٸلٸم الۋى مەن بوس ۋاقىتتارىن پايدالى ٶتكٸزۋدٸ ۇيىمداستىرۋ شارالارى تۋرالى ايتتى, دەپ حابارلايدى قازاقپارات.
«ٶتكەن جىلى مەن الاتاۋ جەنە ناۋرىزباي اۋداندارىندا مەكتەپ وقۋشىلارىنا ارنالعان ەكٸ كٶپسالالى وقۋشىلار سارايىن سالۋدى تاپسىرعان بولاتىنمىن. بٷگٸنگٸ كٷنٸ قۇرىلىس ٷشٸن جەر ۋچاسكەلەرٸ بٶلٸندٸ. تيٸستٸ تەحنيكالىق قۇجاتتاما دايىندالىپ جاتىر. بۇل جوبا مەملەكەتتٸك-جەكەمەنشٸك ەرٸپتەستٸك شەڭبەرٸندە جٷزەگە اسىرىلادى. كەلەسٸ جىلى قۇرىلىس جۇمىستارى باستالادى», - دەدٸ ەكٸم.
سونىمەن قاتار, ول قالادا 23 مىڭ بالانى قامتيتىن 9 مەملەكەتتٸك مۋزىكالىق مەكتەپ جەنە 8 وقۋشىلار ٷيٸ بار ەكەنٸن اتاپ ٶتتٸ. الايدا, بۇل وقۋشىلار سانىنىڭ نەبەرٸ 9%-ىن قۇرايدى.
«العا قويىلعان مٸندەتتەردٸ ٷكٸمەتتٸك ەمەس ۇيىمدارمەن بٸرگە شەشۋ ٷشٸن 2020-2021 جىلدارى سپورت جەنە مەدەني-كٶڭٸل كٶتەرۋ مەكەمەلەرٸنە, مەكتەپتەن تىس قوسىمشا بٸلٸم بەرۋ مەكەمەلەرٸنە قالا بالالارىن جاپپاي تارتۋ ماقساتىندا «جول كارتاسى» جاسالدى. ونى ٸسكە اسىرۋعا بٸلٸم باسقارماسىنان ٶزگە, سپورت, مەدەنيەت, قوعامدىق دامۋ, قوعامدىق دەنساۋلىق باسقارمالارى دا تارتىلاتىن بولادى», – دەيدٸ باقىتجان ساعىنتاەۆ.
قالاداعى سپورت, مەدەنيەت نىساندارى, جاستار ورتالىقتارى جەنە باسقا نىساندار بالالار ٷشٸن اشىق ەرٸ قولجەتٸمدٸ بولادى.
«تەك سپورت سالاسىنىڭ ٶزٸندە عانا الاتاۋ اۋدانىندا بەس دەنەشىنىقتىرۋ-ساۋىقتىرۋ كەشەندەرٸن, تەننيس ورتالىعىن, شاڭعى ترامپلينينٸڭ حالىقارالىق كەشەنٸندە جاڭا نىساندار سالاتىن بولامىز», – دەپ اتاپ ٶتتٸ شاھار باسشىسى.
مەدەنيەت سالاسىندا ورتالىقتاندىرىلعان كٸتاپحانا جٷيەسٸنٸڭ 10 كٸتاپحانا- فيليالدارى جاڭارتىلۋدا. «جۇمىسپەن قامتۋدىڭ جول كارتاسى-2020» اياسىندا قالا مۋزەيلەرٸنە اعىمداعى جٶندەۋ جۇمىستارى جٷرگٸزٸلدٸ, Almaty Creative Hub-تىڭ كرەاتيۆتٸ مەدەنيەتٸنٸڭ ستراتەگيياسى قابىلداندى.
«وسىلايشا, قالانىڭ بارلىق رەسۋرستارى جەنە قولدا بار مٷمكٸندٸكتەرٸ بالالاردى سپورتپەن, شىعارماشىلىقپەن, ٶزدٸگٸنەن بٸلٸم الۋعا جەنە ٶزدٸگٸنەن دامۋىنا كەڭٸنەن تارتۋعا باعىتتالعان. بۇل بٸزدٸڭ ورتاق ماقساتىمىز بولۋى تيٸس», - دەدٸ ساعىنتاەۆ.
