قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ قاڭتار وقيعاسى كەزٸندە ۇرلانعان قارۋدى تابۋدىڭ جاڭا دەرەكتەرٸن ايتىپ بەردٸ, دەپ حابارلايدى قازاقپارات.
«رەسپۋبليكا كٶلەمٸندە قاڭتار وقيعالارىن تەرگەۋگە ٸشكٸ ٸستەر ورگاندارىنىڭ 500-دەن اسا قىزمەتكەرٸ تارتىلدى. ولاردىڭ اراسىندا تەرگەۋشٸلەر, جەدەل قىزمەتكەرلەر جەنە كريميناليستەر قامتىلدى. ٸشكٸ ٸستەر مينيسترلٸگٸ ورتالىق اپپاراتىنان جەرگٸلٸكتٸ جەرلەرگە تەجٸريبەلٸ قىزمەتكەرلەر جٸبەرٸلدٸ. بٸرقاتار قىزمەتكەرلەر ارنايى پروكۋرورلار جەتەكشٸلٸك ەتەتٸن ۆەدومستۆوارالىق جەدەل تەرگەۋ توپتارىنىڭ قۇرامدارىنا قوسىلدى جەنە ولارمەن بٸرگە جاپپاي تەرتٸپسٸزدٸكتەردٸڭ ۇيىمداستىرۋشىلارىن انىقتاۋ بويىنشا جۇمىستى جالعاستىرىپ جاتىر», - دەدٸ س. ەدٸلوۆ ورتالىق كوممۋنيكاتسييالار قىزمەتٸندە.
سونىمەن قاتار ول ۇرلانعان قارۋدى ٸزدەۋ جەنە تەركٸلەۋ بويىنشا جەدەل-ٸزدەستٸرۋ ٸس-شارالارى جٷرٸپ جاتقانىن ايتتى. بٷگٸنگٸ كٷنٸ تەركٸلەنگەن قارۋدىڭ جالپى سانى 1 006-نى جەنە وق-دەرٸ 20 307-نٸ قۇرادى.
«مىسالى, جەدەل ٸس-شارالار كەزٸندە الماتى قالاسى شاڭىراق-2 شاعىن اۋدانىندا ەكٸ ادام ۇستالدى. ولاردان 5 مىڭ پيستولەت (2880 دانا) جەنە اۆتومات (2160 دانا) پاتروندارى بار تسينك جەشٸكتەرٸ, برونەجيلەت, قالقان, تٸزەقورعاعىشتار تٷرٸندەگٸ ارنايى قۇرالدار, 2 تانكٸگە قارسى سنارياد, تەگٸس ۇڭعىلى قارۋ, 7 پنەۆماتيكالىق ۆينتوۆكا, ونىڭ ٸشٸندە بٸرەۋٸ وپتيكالىق كٶزدەگٸشٸمەن جەنە پنەۆماتيكالىق پيستولەت الىندى», - دەدٸ ول.
الماتى قالاسىنداعى تەرتٸپسٸزدٸكتەر كەزٸندە كٷدٸكتٸلەر توبى جەڭٸل اۆتوماشينامەن «ورۋجەينيك» اڭشى دٷكەنٸنە كەلٸپ, كٸرەبەرٸس ەسٸگٸن سىندىرىپ, 15 تەگٸس ۇڭعىلى قارۋ مەن 4 ويىق ۇڭعىلى كارابيندٸ, ونىڭ ٸشٸندە وپتيكالىق كٶزدەگٸشٸمەن جىمقىرعان. ۇرلانعان قارۋدى ودان ەرٸ ساتۋ ماقساتىمەن الماتى قالاسى مەن الماتى وبلىسى اۋماعىندا ارنايى جابدىقتالعان ورىنداردا زاڭسىز ساقتاعان. سونىمەن قاتار, تەرگەۋ بارىسىندا كٶرسەتٸلگەن ادامداردىڭ الماتى قالاسىنىڭ ەۋەجايىنا شابۋىلعا جەنە قيراتۋعا قاتىسقانى انىقتالدى.
«سونداي-اق الماتى قالاسىندا جاپپاي تەرتٸپسٸزدٸكتەردٸڭ بٸر قاتىسۋشىسى ۇستالدى. ول انىقتالماعان ٷش اداممەن توپتاسىپ تٷنگٸ ۋاقىتتا «كامەرات» اڭشى دٷكەنٸنٸڭ بۇزىلعان قابىرعاسىنان كٸرٸپ, وتتى قارۋدى جىمقىرىپ ەكٸ جەڭٸل اۆتوكٶلٸكپەن الىپ كەتكەن. ۇرلانعان مٷلٸكتٸڭ بٸر بٶلٸگٸ, 8 تەگٸس ۇڭعىلى قارۋ وق-دەرٸسٸمەن تۇرعىن ٷيدٸڭ شاتىرىنان تابىلىپ الىندى. ٶزگە جاسىرىن ورىننان جاپپاي تەرتٸپسٸزدٸكتەر بارىسىندا قولدانىلعان زاتتاردى, ياعني سيگنالدى رەۆولۆەردٸ وق-دەرٸسٸمەن, جانعىش قوسپالى 4 شىنى بٶتەلكەنٸ, پروتيۆوگاز بەن پوليتسييا قىزمەتكەرلەرٸنٸڭ ارنايى قۇرالدارىنىڭ 6 جيىنتىعىن پوليتسييا قىزمەتكەرلەرٸ تاۋىپ الدى», - دەدٸ س. ەدٸلوۆ.
