پرەمەر-مينيستر اسقار مامين مەن ەۋرازييالىق ەكونوميكالىق كوميسسييا القاسىنىڭ تٶراعاسى ميحايل مياسنيكوۆيچ ەۋرازييالىق ٷكٸمەتارالىق كەڭەستٸڭ وتىرىسىن قورىتىندىلادى, دەپ حابارلايدى قازاقپارات.
پرەمەر-مينيستر اسقار مامين قازاقستان ەاەو ورگاندارىنا تٶراعالىق ەتۋدٸ 2021 جىلدىڭ 1 قاڭتارىنان باستاپ قابىلداعانىن تاعى بٸر مەرتە اتاپ ٶتتٸ.
وسىعان وراي, مەملەكەت باسشىسى قاسىم-جومارت توقاەۆ ەاەو مٷشە-مەملەكەتتەرٸنە نەگٸزگٸ باسىمدىقتار ايتىلعان ٷندەۋ جولدادى.
«قۇجات ەاەو-نىڭ قۇرىلعان مەرزٸمٸ ارالىعىندا قالىپتاسقان جاڭا مٷمكٸندٸكتەرٸ مەن ەكونوميكالىق-ەلەۋمەتتٸك مەسەلەلەردٸ ەسكەرە وتىرىپ جاسالدى», - دەدٸ ا.مامين.
ەاەو ورگاندارىنا تٶراعالىق ەتۋ قازاقستاننىڭ كەسٸپورىندارىنا جاڭا سەرپٸن بەرەدٸ. ىنتىماقتاستىقتى ارتتىرىپ, ٶزارا ساۋداداعى كەدەرگٸلەردٸ جويىپ, ترانسشەكارالىق كٶلٸك ارتەريياسىنىڭ ەلەۋەتٸن تولىعىمەن پايدالانۋعا, كەشەندٸ تسيفرلاندىرۋ جەنە سىرتقى نارىققا شىعۋ اياسىن كەڭەيتەدٸ.
«ەۋرازييالىق ەكونوميكالىق كوميسسييا وسى باستامالاردى ٸسكە اسىرۋ بويىنشا تيٸستٸ ٸس-شارالار جوسپارىن بەكٸتتٸ. ونىڭ 15-ٸ نەگٸزگٸ مٸندەت, 84-ٸ شارا», - دەدٸ اسقار مامين.
ەۋرازييالىق ەكونوميكالىق كوميسسييا القاسىنىڭ تٶراعاسى ميحايل مياسنيكوۆيچ جيىندا ەاەو ەلدەرٸنٸڭ ەكونوميكاسى ٷشٸن ٶتە ماڭىزدى شەشٸمدەر قابىلدانعانىن ايتتى.
«الدىن الا مەلٸمەتتەر بويىنشا, 2020 جىلدىڭ سوڭىندا جالپى ٸشكٸ ٶنٸم بٸرشاما تٶمەندەيدٸ دەگەن بولجام بار. ناقتى دەرەكتەر كەيٸنٸرەك شىعادى. ەزٸرگە ول 3,9% قۇرايدى. سونىمەن قاتار, 2021 جىلى جاعداي جاقسارادى. وداق ەلدەرٸنٸڭ ەكونوميكاسى كەمٸندە 3,2% ٶسەدٸ دەپ جوسپارلاپ وتىر. بۇل ٷردٸس جالعاساتىنى سٶزسٸز. وسىلايشا, 2025 جىلعا دەيٸنگٸ دامۋ ستراتەگيياسىنداعى كٶزدەلگەن ماقسات ورىندالۋى كەرەك», - دەپ قورتىندىلادى مياسنيكوۆيچ.
