اتىراۋدا الماتىداعى دٷكەندٸ توناعان 3 ادام ۇستالدى, دەپ حابارلايدى قازاقپارات.
اتىراۋ ستانساسىنداعى جەلٸلٸك پوليتسييا بٶلٸمٸنٸڭ قىزمەتكەرلەرٸ 12 قاڭتاردا «الماتى-اتىراۋ» پويىزىنان تٷسكەن جولاۋشىلاردىڭ سٶمكەسٸن تەكسەرگەن.
«جولاۋشىلاردىڭ سٶمكەلەرٸن تەكسەرۋ كەزٸندە اقتاۋ قالاسىنىڭ 3 تۇرعىنىنان الماتى قالاسىنداعى Mon Amie دٷكەنٸنٸڭ تاۋارلارى تابىلدى. بۇل – 30 دانا ەتٸر سۋى, 55 دانا كوسمەتيكالىق بۇيىم. تەكسەرۋ ٸس-شاراسى تەمٸرجولدىڭ كٷزەت فيرماسى مەن ۇلتتىق ۇلان ەسكەري بٶلٸمٸنٸڭ قىزمەتكەرلەرٸمەن بٸرگە جٷزەگە اسىرىلدى. اتالعان دەرەككە قاتىستى قر قىلمىستىق كودەكسٸنٸڭ 191-بابىنىڭ 3-بٶلٸمٸنٸڭ 3) تارماعىمەن قىلمىستىق ٸس قوزعالدى.
قازٸر ۇستالعاندارعا قاتىستى تەرگەۋ امالدارى جٷرگٸزٸلٸپ جاتىر», - دەپ حابارلادى اتىراۋ ستانساسىنداعى جەلٸلٸك پوليتسييا بٶلٸمٸ كريمينالدىق پوليتسييا بٶلٸمشەسٸنٸڭ باستىعى مەيٸربەك ٶتەعالي.
