Atyraýda Almatydaǵy dúkendi tonaǵan 3 adam ustaldy, dep habarlaidy QazAqparat.
Atyraý stansasyndaǵy jelilik politsiia bóliminiń qyzmetkerleri 12 qańtarda «Almaty-Atyraý» poiyzynan túsken jolaýshylardyń sómkesin teksergen.
«Jolaýshylardyń sómkelerin tekserý kezinde Aqtaý qalasynyń 3 turǵynynan Almaty qalasyndaǵy Mon Amie dúkeniniń taýarlary tabyldy. Bul – 30 dana átir sýy, 55 dana kosmetikalyq buiym. Tekserý is-sharasy temirjoldyń kúzet firmasy men Ulttyq ulan áskeri bóliminiń qyzmetkerlerimen birge júzege asyryldy. Atalǵan derekke qatysty QR Qylmystyq Kodeksiniń 191-babynyń 3-bóliminiń 3) tarmaǵymen qylmystyq is qozǵaldy.
Qazir ustalǵandarǵa qatysty tergeý amaldary júrgizilip jatyr», - dep habarlady Atyraý stansasyndaǵy jelilik politsiia bólimi kriminaldyq politsiia bólimshesiniń bastyǵy Meiirbek Óteǵali.
