الماتىدا تانىمال ەنشٸ جاپا شەكتٸ. بەلگٸسٸز بٸر ادام ونىڭ كٶلٸگٸنە وتىرىپ الىپ, زورلاماق بولعان. بۇل تۋرالى ەلەۋمەتتٸك جەلٸدەگٸ «نەمولچي.kz» پاراقشاسىندا جارييالاندى.
وقيعا 11 جەلتوقسان كٷنٸ كەشكە بولعان. ەنشٸ ۋاتحان زاقانقىزى كٶلٸگٸن وتالدىرىپ, جىلىتىپ وتىرعاندا الدىڭعى ورىندىققا بەتپەردە كيگەن بەلگٸسٸز بٸر ادام وتىرىپ الادى. ول ەنشٸنٸڭ القىمىنا پىشاق تاقاپ, «ايقايلاماۋدى, دەگەنٸن ٸستەۋدٸ» بۇيىرىپتى. كٶلٸكپەن ەل اراسىندا «تاتاركا» اتالعان اۋدانعا كەلگەن. ول ەنشٸنٸڭ اۋزىن تاڭىپ, تەلەفونىن اقتارعان دا, اقشاسىنىڭ بەرٸن ٶزٸنە اۋدارىپ الىپتى. تٸپتٸ ۋاتحان زاقانقىزىن زورلاماق بولعان. ەنشٸ اياعى اۋىر ەكەنٸن ايتقان سوڭ عانا قىلمىسكەر ارام ويىنان باس تارتقان سىڭايلى.
بۇل تۋرالى ەنشٸنٸڭ ٶزٸ بىلاي دەپ جازدى: «كٶرەر كٷنٸم بار ەكەن-اۋ!? بٷگٸن شامامەن تٷنگٸ 23.30-00:00 كەزٸندە ەدەتتەگٸدەي بٸر كەشتٸ اتقارىپ, كٶلٸگٸمە وتىرىپ, قىزدىرا باستادىم. الماتىنىڭ قاق ورتاسى.كەنەت بٸر ەڭگەزەردەي ەركەكتٸڭ بەينەسٸن بايقادىم.بەتٸندە ماسكا.اسىعىس كٶلٸكتٸڭ ارتقى ەسٸگٸن اشتى دا, وتىرا سالىسىمەن اۋزىمدى باسىپ, تۋرا موينىنا پىشاعىن تاقاعاندا دەنەم مۇزداپ كەتتٸ.(العاشىندا تويداعى ەرٸپتەستەردٸڭ قالجىڭى شىعار دەپ ويلادىم). ولاي بولمادى. بٸر كەزدە ول «كٶلٸكتٸ وتالدىر, مەن ايتقان باعىتتا جٷرە بەر» دەدٸ.
قازاق ەكەن.كەلە جاتىرمىز. موينىمدا پىشاق! الماتىنىڭ ەلەۋسٸز كٶشەلەرٸنە كٸرٸپ, كٶزدەردەن تاسا بولدىق! بٸر سايدا تۇرمىز. «ال ەندٸ قانشا اقشاڭ بار, شىعار?!» دەدٸ.
سۋمكانى ٶزٸ الىپ, كٶك تيىن قالدىرماي قالتاسىنا باستى. كارتوچكالارىمدى دا تەكسەرٸپ ٷلگەردٸ. بٸر كەزدە قىل ارقان موينىما بايلانىپ, دەم جەتپەي جاتقانىن سەزٸنە باستادىم. سانسىز ويلار! دەم-تۇزىمنىڭ تاۋسىلعانى وسى شىعار دەدٸم! ٶمٸرٸم كٶز الدىمنان ٶتٸپ جاتىر. قورقىنىشتى!
بٸر كەزدە «مەن سەنٸ ٶلتٸرمەيمٸن دەپ شەشتٸم» دەدٸ ەلگٸ قۇبىجىق.
جٶتەلٸپ جاتىرمىن. قويش, نە كەرەك قالاعان باعىتىندا كٶشەلەردٸ كەزدٸك. اتتاي 5 ساعات! ول جاساعان ارام ٸستەرٸن سىراسىن جۇتىپ قويىپ, ماسايراپ ايتىپ وتىر.(مەنٸڭ ەڭبەكتەنٸپ تاپقان اقشامدى جاراتۋدا). قولىم بايلاۋلى. ەبدەن جالىندىم! الدادىم! سوڭىندا مەنٸ جٸبەرەتٸن بولىپ شەشتٸ. بٸر جەردەن تٷسٸپ قالدى. سەنە الار ەمەسپٸن! بٸردەن ٸٸب نە بەت الدىم. موينىم, قولىم تٸلٸنگەن. تٷرٸم وت سٶندٸرگەندەي. شوك! بەينە باقىلاۋ كامەرالارىنا تٷسپەگەندٸكتەن, قولىندا قولعاپ بولعاندىقتان ەشتەڭە جاساي المايتىندارىن ايتتى.
سٶيتٸپ ٷيگە كەلدٸم. قازاق باۋىرلار-اۋ, سونشا بٸر-بٸرٸمٸزگە جاۋعا اينالعانىمىز با? قالاي جٸبەرە سالدى مەنٸ? قاندى قول قاراقشىنىڭ قولىنان قانداي قۇدٸرەت امان الىپ قالدى? سەنە الار ەمەسپٸن. ساق جٷرٸڭٸزدەرشٸ! بايقاپ جٷرٸڭٸزدەر! ەندٸ ٷيٸمە كەلگەن سوڭ, كٶز جاسىما ەرٸكسٸز جول بەردٸم», – دەپ دەستٷرلٸ ەنشٸ باسىنان ٶتكەن وقيعانى قىنجىلا جەتكٸزدٸ».
ەنشٸ بٸردەن المالى اۋداندىق پوليتسيياسىنا ارىز جازعان. پوليتسييا ٷش تەۋلٸكتٸڭ ٸشٸندە كٷدٸكتٸنٸ قولعا تٷسٸردٸ. كەيٸننەن كٷدٸكتٸنٸڭ قولىنان تاعى بٸر قىزدىڭ جاپا شەككەنٸ بەلگٸلٸ بولدى.
