الماتىلىق دەرٸگەرلەر التى جاسار بالانىڭ اسقازانىنان 100 تەڭگەلٸك تيىندى الىپ تاستاپ, جەرجاڭعاققا قاقالىپ قالعان ەكٸ جاسار بالانىڭ ٶمٸرٸن ساقتاپ قالدى, دەپ حابارلايدى قازاقپارات.
بالالارعا ارنالعان مەديتسينالىق جەردەم ورتالىعىنىڭ حابارلاۋىنشا, مەديتسينالىق مەكەمەگە التى جاستاعى بالانىڭ اناسى كەلٸپ, ۇلىنىڭ تيىن جۇتىپ قويعانىن ايتىپ كٶمەك سۇرعان.
«شۇعىل تٷردە بالانىڭ اسقازانى رەنتگەنگە تٷسٸرٸلدٸ. رەنتگەن كٸشكەنتاي بالانىڭ اسقازانىندا بٶتەن زات, ياعني 100 تەڭگەلٸك تيىن بار ەكەنٸن كٶرسەتتٸ. دەرٸگەرلەر وپەراتسيياسىز ەندوسكوپييالىق جولمەن اسقازاننان بٶتەن زاتتى شىعاردى. وتا سەتتٸ ٶتتٸ. بٷگٸن بالا اۋرۋحانادان شىعارىلدى»- - دەدٸ جەدەل جەردەم بٶلٸمٸنٸڭ باستىعى مەيٸرجان قۇرماناليەۆ.
وسى تەكتەس وقيعا كەلەسٸ كٷنٸ دە قايتالاندى.
«بٸزدٸڭ اۋرۋحاناعا ەكٸ جاسار بالا كەشكٸ ۋاقىتتا تٷستٸ. اناسىنىڭ ايتۋىنشا, بالاسى جەرجاڭعاق قوسىلعان شوكولاد جەپ وتىرىپ قاقالىپ قالعان. بٷلدٸرشٸنٸڭ تٷنٸ بويى مازاسى كەتٸپ, ىستىعى كٶتەرٸلٸپ, تىنىسى تارىلعان. نەتيجەسٸندە اناسى مەن بالاسى جەدەل جەردەممەن بٸزدٸڭ اۋرۋحاناعا جەتكٸزٸلدٸ. بالاعا كەۋدە قۋىسىنىڭ رەنتگەنوگرافيياسى, ٶكپەنٸڭ كومپيۋتەرلٸك توموگرافيياسى, برونحوسكوپييا جاسالدى. وسىدان كەيٸن «تىنىس الۋ جولدارىندا بٶتەن زات تۇر» دەگەن دياگنوز قويىلدى. تەكسەرۋ بارىسىندا سول جاق ٶكپەنٸڭ دەم المايتىنى انىقتالدى, بۇل ٶكپەنٸڭ ابستسەسسٸنە ەكەلۋ قاۋٸپٸن تٶندٸردٸ », - دەدٸ دەرٸگەر.
دەرٸگەرلەر جوعارىدا اتالعان ەدٸستٸ قولدانا وتىرىپ, كٸشكەنتاي ناۋقاسقا ۋاقتىلى كٶمەك كٶرسەتتٸ. قازٸر سەبيدٸڭ جاعدايى جاقسى. ونى اۋرۋحانادان شىعارۋعا دايىنداپ جاتىر.
جالپى, جىل باسىنان بەرٸ شۇعىل كٶمەك كٶرسەتۋ ورتالىعىنا ەرتٷرلٸ زاتتاردى جۇتىپ قويعان 120-عا جۋىق بالا جٷگٸنگەن.
